பெண்ணாதிக்கம் அல்லது பெண்வழி நிறுவாகம் நடப்பிலிருந்தது என்பதைத் தமிழ்மொழி காட்டுகிறது என்பதை முன்னரே நாம் குறித்திருந்தோம். இதைத் தெளிவாக ஆள் என்னும் ஆட்சி குறிக்கும் சொல் விகுதியாகிப் பெண்பாலைக் குறிப்பதையும் சுட்டிக்காட்டியிருந்தோம்.
பெண்ணடிமை மிக்குவந்த பிற்காலத்திலும் பெண்கள் தெய்வங்களாக்கப் பட்டுச் சென்றுவிட்ட அவர்களின் ஆட்சி ஒருவாறு நினைவு கூரப்பட்டது காண்கிறோம். ஆதிபராசக்தி, பராசக்தி, பல்வேறு தெய்வத் துணைவிகள் ஆகியோர் இதையே வலியுறுத்துகின்றனர். பெண் இல்லாமல் ஆண் தெய்வங்களும் இயங்கா என்பது தத்துவம் ஆகும்,
இதன் தொடர்பில் நீங்கள் படிக்கவேண்டிய இடுகை:
இலங்கைப் புலவர்களும் பெண்ணடிமையை எதிர்த்துள்ளனர். ஞானப்பிரகாச அடிகளின் மாணவர் ஆசிரியர் பண்டித சேகரம்பிள்ளையாரின் ஒரு குறள் வெண்பா:
சாதிசமம் அக்கொடுமை தானெண்ணார் பெண்ணடிமை
ஆதிப் புதியஉல கார்
என்பது அதுவாகும், இதுவும் அவர் வெளியிட்ட மாத இதழ்தோறும் குறிக்கப்பெற்றது. (1938). பெண்கள் விடுதலைக்காகப் பலர் குரல் கொடுத்தனர்.
பெண்களை இழிவுபடுத்திய வரிகள் மனுவில்( மனுசாத்திரத்தில் ) உள்ளன. இவை பிற்கால இடைச்செருகல்களாக இருக்கலாம். இடைச்செருகல்களுக்குத் தப்பிய பழைய நூல்கள் எவையும் உளவா என்பது ஐயத்துக்குரியதே ஆகும்.
பெண்ணை ஆணின் விலாவிலிருந்து கடவுள் படைத்ததாக விவிலிய நூல் கூறியிருப்பினும் வரலாற்றில் பெண்கள் குமுகாயத்தை வழிநடத்தினமை தெளிவே ஆகும். ஒரு முன் படைப்பின் உதவியின்றி எதையும் படைக்குமாற்றல் உள்ளவர் கடவுள்.
பிற்கால நூல்கள் அல்லது செருகல்கள் பெண்டிருக்குச் சமயத் தலைமை அளிக்க மறுத்துவிட்டது. ஒரு பிராமணப் பெண் பிராமண ஆடவனுக்கு இணையாக வைக்கப்படாதொழிந்தாள்.
ஆதிக்கடவுள் ஆதிபராசக்தியே ஆகும், இது மக்கள் மதக்கொள்கை.
பதி என்னும் சொல் பெண்ணை மணந்து அவள் இல்லத்தில் பதிவானவனையே ஆதியில் குறித்தது. பின்னர் இச்சொல்லுக்குப் பொருள் உயர்பு ( ELEVATION ) நிகழ்ந்து பதி என்போன் தலைமை உடையோன் என்ற நிலை உருவானது, ஒன்றில் பதிவதென்றால் தனக்குப் பெரிதான ஒன்றில் பதிவதே ஆகும் என்பதுணர்க. தளத்தில் உட்பதிந்திருப்பவனே தளபதி. பதி தலைவன் என்பது சொற்பொருளன்று; அஃது பெறப்பட்ட பொருளே.1
புதுமைக்கவி பிற்காலத்தில் மாதரை இழிவுபடுத்தும் மடமையைக் கொளுத்தினான்.
1 derived meaning. Not etymological meaning.
Will edit.
கருத்துகள் இல்லை:
கருத்துரையிடுக