ரத்து என்னும் கிளவி

ரத்து : விவாகரத்து மணவிலக்கு


ரத்து என்ற சொல் எங்ஙனம் புனைவுண்டது என்பதை முன்னர் விளக்கியுள்ளேம். அந்த விளக்கக் குறிப்பினைத் தேடிக்கொண் டிருப்பதை விட, தலையிலிருந்து தரைப்பலகைக்கு floorboard நேரடியாகச் சிந்தனையை இறக்கிவிடலாம்.

இறுதல் = முடிதல். ( சொல் :   இறுதி )

இறு + து(விகுதி) = இறு + அத்து (சாரியை) + து,

= இறு + அத்(து) + து = இறத்து. முடிவு என்று பொருள்.

இச்சொல் இறு என்பதில் தோன்றியது என்பதற்கு இது போதுமானது. இங்கு அத்து என்ற சாரியை வந்ததா அல்லது புணர்க்குங்கால் ஓர் அகரம் தோன்றிற்றா என்ற வழக்காடுதல் தேவையில்லை.

அஃது இலக்கணமே குறிக்கோளாய் நிற்பார் மேற்கொள்க.

இப்போது மனநிறைவின் பொருட்டு, இது போலும் து-விகுதி பெற்றமைந்த
வேறு சில சொற்களைக் காண்போம்.

வரு + து = வரத்து (போக்குவரத்து). இங்கு முதனிலை ஈற்றில் நின்ற உகர உயிர் அகரமாகி புணர்ச்சியில் ஒரு தகர ஒற்றுப் பெற்று ( ச் ) சொல் அமைந்தது.

விழு > விழுது: இங்கு விகுதி புணர, அப்புணர்ச்சியில் ஒற்றுக்கள் எவையும்
தோன்றிற்றில.

கை + து = கைது ( இங்கும் எழுத்தெதுவும் தோன்றவில்லை ). கைது என்றால் காவல்துறையார் கையகப் படுதல்.

குரு + து = குருத்து. ( த் தோன்றியது ).
இங்கு குரு என்பது பகுதி. இதனைக் குருகு, குருந்தம், குருப்பு, குரும்பை, குருளை, குருள்தல் முதலியவற்றால் அறியலாம். குரு என்பதை வினைை முற்று வடிவில் கண்டிலம். காணின் எழுதுக.

இதுகாறுங் கூறியவாற்றால், இறு > இறத்து போலும் வடிவங் கொள்ளும் சொற்கள் உள என்பது பெறப்படும்.

இறத்து என்பது பின் அடைந்த திரிபுகளாவன:

இறத்து > இரத்து > ரத்து.(headless)

இறுதல் என்பது முடிதல் என்று பொருள்படும் ஆதலின், ரத்து என்பதும்
அப்பொருளையே அடைந்தது.

இதிலிருந்து விவாகரத்து ( மணவிலக்கு ) முதலிய கூட்டுச் சொற்கள் தோன்றின.

பிற்குறிப்பு:

விவாகம் என்பது முன்னரே விளக்கப்பட்ட சொல்: அதைச் சுருக்கமாக இவண் குறிப்பிடுவோம். வி = விழுமிய; வா= வாழ்க்கைக்கு ; (ஆகும்) > ஆகம்: ஆகும் வழி. ஆகு+ அம் = ஆகம். விவாகமானது இல்லற வாழ்வில் ஆடவர் பெண்டிரை இருத்தி விழுமிய வாழ்வினை ஆக்கும் ஓர் முக்கிய நிகழ்ச்சி ஆகும்,

விவா என்ற இலத்தீனும் தமிழிலிருந்து பெறப்பட்டது.

பந்தல் என்பது (மீட்டுரு: பர> பரந்): இடையோடிகள்.

 பந்தல் என்ற சொல்லைப் பார்ப்போம், 

பந்தல் என்பது, விரித்து அல்லது பரந்து நிற்குமாறு செய்து வைக்கப்படும் ஒரு தற்காலிகக் கூரை போன்ற அமைப்பு  ஆகும். இது:

பரத்தல் வினைச்சொல்.

பரந்தல் >  பந்தல்  ( ரகரம் மறைந்துவிட்ட அல்லது விடுபட்ட) சொல்.  அதாவது ப(ர)ந்தல்.

இதை இடைக்குறைச் சொல் என்போம்.

பர> பரந்> பந் என்றும் விளக்கலாம்.  பர - அடிச்சொல்.  பரந் > பந் என்பன  இடையோடிகள்.

பர என்றாலே பொருள் உள்ளது.  ப என்று என்றால் அது பரவலைக் குறிப்பதாகத் தெரியவில்லை. பலகை என்ற சொல்லிலும் ''ப'' மட்டுமே உள்ளது. ரகரம் லகரமாகத் திரிதலால்,  பரகை > பலகை என்று காட்டுவது திரிபு விதிகட்கு உட்படுவதே  ஆகும்.  மூலச்சொல் பரந்தல் என்று கொள்ளுதல்,  வலிமை சேர்க்கும் சொல் தரவாக்கம் ஆகும்.

தமிழில் அழிந்தபோன சொற்கள் பலவாகும்.  பிறமொழிகட்கும் இதுவே உண்மையாகும்.

அறிக மகிழ்க

மெய்ப்பு பின்னர்

பகிர்வுரிமை

பந்தலை நீக்குவது ''தளையவிழ்தல்''   அல்லது தளையவித்தல் என்று சொல்லப்படுகிறது.

தீபாவளி வாழ்த்து

 நாவாலும்  நல்வாழ்த்து நண்பர்க்கும் கேளிருக்கும்

தீபா வளியன்று  சொல்லுவதால் ---- நேர்வார்த்த, 

நன்மைகள் நாட்டவர்க்கும் வீட்டவர்க்கும் நாடிவரும்

உண்மை உணர்வார் பலர்.

நேயர் அனைவருக்கும்  நேரிய நல்வாழ்த்தே

ஆயசெல் வங்கள் அனைத்தும் ----ஏயவரும், 

ஓய்வென்றே இன்றி உழைப்போர் உயர்ந்திடுக

வாய்க்கும் வளமனைத்தும் பெற்று.

பாவம்  அழிப்பது  பாவழி  என்றுவர,

பாவளி  என்று மருவியதாய்  ---- தாவிலராய்ச்

சொன்னவரும் உண்டே சுரந்த  பொருள்காணீர்

அன்னவர்சொல் சொன்னோம் இவண்,

பொருள்:

கேளிர் - உறவினர்.

நேர்வார்த்த  -  நேர்வு ஆர்த்த:  நடப்பதாகிய.

ஓய்வொன்றே  -  ஓய்வு ஆகிய ஒன்று (இல்லாமல்)

வளமனைத்தும்  - எல்லாச் செல்வங்களும்

பாவம்  அழி என்பதே பாவழி>  பாவளி என்றாகி

தீபாவளி என்றானதைச் சொன்னாருண்டு.

ஆக, தீபாவளி -  தீராத பாவத்தை  அழி.

தாவிலர் - குற்றமற்றோர்

சுரந்த - பாட்டில் வந்த

ஏய வரும் -  இயைபுற்று வரும்.

நலம் அனைத்தும் பெறுக.