Busiest causeway in the world between Malaysia - Singapore

சிங்கப்பூர் ஜொகூர்ப்பாலம் உலகில் உள்ள‌
சீரொழிந்த மிகுநெரிசல் தொடர் பாம் என்று
நங்கையரும் நம்பியரும் நவிலும் போது
நானுமதை உணர்ந்துள்ளேன்! காணும் உண்மை!

கடப்பதற்கு மணி நேரம் இரண்டு மூன்று
கழித்திடுங்கள் இதைச்செலவாய் அகவை தன்னில்.
திடப்பயணம் மகிழுந்தும் பழுதொன் றின்றி
தேரினைப் போல் நகர்ந்திடுமோர் திருவே கொள்ளும்.

இனியங்கு போவேனோ எனவே வேர்த்தே
ஏற்பில்லா மனத்தோடே இயல்வோ ரெல்லாம்
கனியங்கே கிடைப்பதுபோல் மாலை நெஞ்சம்
காலையிலே திரிந்துவிடப் பயணம் செல்வார்.