தோற்றவர் இன்னொரு தோல்வியாளர்க்கு ஆதரவு.

காண்குறைசார் கட்சி கருநாட காவினிலே

வீண்பறைதான் இந்நாள் முழக்கியதோ===தானிறந்தே

அடுத்து நின்  றோர்க்க   தளித்தவா   தாரம்

படுத்துவிட்ட தற்கோ படம்.


பொருள்:

காண்குறைசார் :  ஒரு கட்சியின் பெயர். இந்த
எழுத்துப்பெயர்ப்புக்கு வேறுபொருள்களும் ஊட்டலாம்.

கருநாடகாவினிலே :  கர்நாடகமாநிலத்தில்.
வீண்பறைதான்:    பயனற்ற ஆரவாரம்.
முழக்கியதோ:  வெளிப்படுத்திக்கொண்டிருந்ததோ.
தான் இறந்தே -  தான் தோல்வி அடைந்து.
தோல்வி என்பது ஆள்வதற்குத் தகுதியை இழப்பதாகும்.
இறப்பதற்குச் சமானம்,
அடுத்து நின்றோர்க்கு:   அவர்களுக்கும் குறைவான தகுதி
அடைந்தவர்கள் கட்சிக்கு.
அளித்தவாதாரம் -  அளித்த (தந்த)  ஆதாரம்.
படுத்துவிட்டதற்கு - இனி எழும்ப வழியில்லையாய்
வீழ்ச்சி அடைந்ததற்கு.
படம் -  எடுத்துக்காட்டும் அறிகுறி. 

தேர்தலுக்குமுன் சம நிலையிலிருந்தபோது அளிக்காத
ஆதரவைத் தோற்றபின் அளிப்பது, இனி நிலைநிற்க 
முடியாமையால் கீழ்நிலையில் உள்ளோரிடம் சரண் 
அடைந்து மேலிருப்போரிடம் சம்மாகிவிட நினைக்கும்
உத்தியாம். இத்தகைய உத்தி எதிர்காலத்துக்குக் 
கைகொடுக்குமா என்பதே கேள்வி.