இன்று நெய்தல் என்ற சொல்லைக் கவனிப்போம்.
நெய் என்பது வெண்ணெய் என்படை உருக்கிக் கிடைப்பதாகும். இச்சொல்லின் அடிப்படைப் பொருள் உருகி ஒன்றாவது, கலப்பது, பிணைப்பது என்பனவாகும்.
நெய் > நெயவு > நெசவு இதில் பஞ்சுநூல் கலந்து துணி செய்யப்படுகிறது. கலப்பு, கலந்து ஒன்றாவது என்பது அடிப்படை.
நைதல் என்பதில் பொருள் நசுக்கப்பட்டு ஒன்றாவது அடிப்படைப் பொருள். இங்கு உருவம் அழிந்து வேறுரு உண்டாவதைக் குறிக்கிறது.
நெய் > நெய் + அம் > நேயம். இது உள்ளங்கள் ஒன்று கலந்து நட்பு ஏற்படுவது குறிக்கப்படுகிறது. இங்கு முதனிலை நீண்டு சொல் அமைந்துள்ளது.
நெய்தல் என்பது ஒரு திணையின் பெயராகவும் உள்ளது. நெய்தல் நிலம் என்பதும் காண்க. இந்நிலத்தில் கடல் பகுதியும் நிலப்பகுதியும் கலக்கிறது அல்லது இணைகிறது.
எனவே நெய்தல் - கடலும் நிலமும் கூடுமிடம் என்ற பொருள் தெளிவாகிறது.
நெரு என்னும் அடிச்சொல்லும் நெய் என்னும் அடிச்சொல்லும் தொடர்புடையன.
( நெர்) - நெய். நெர் > நெரு. ( ஒப்பு: விர் > விய்.)
நெர் > நெரு > நெருங்கு. > நெருங்குதல்.
இதனோடு ஒப்பு நோக்குக:
விர் > விரி > விரிதல், விரிவு.
விர் > விய். > வியன்.
விரி > விரிசல். விய் > விசு > விசும்பு.
விசு > விசு + ஆல் + அம் = விசாலம்.
விர் > விருத்தம் ( ஒரு பாடல்) விரிவான பாடல்
அடிச்சொல்லை அல்லது மூலத்தைக் காட்டாமல் விரி> விரித்தம்> விருத்தம் எனினும் இழுக்காது என்பதறிக. இகரம் உகரமாம் இடனுமாருண்டே.
மேலும் ஒப்பறிக:
மர் > மய்
https://sivamaalaa.blogspot.com/2021/04/blog-post_21.html
அறிக மகிழ்க.
மெய்ப்பு பின்னர்.
[ தமிழ் மென்பொருள் சரியாக வேலை செய்யவில்லை. அதனால் இந்த இடுகை சுருக்கமாகவே எழுதப்படுகிறது ]
கருத்துகள் இல்லை:
கருத்துரையிடுக