சிக்காவில் சிக்கின் விதி.!

சிக்காது சிங்கப்பூர் சீர்கேடு நோய்களிலே
சிக்காவில் சிக்கின்  விதி.

பசுவில்லை சாணியில்லை பக்கத் தழுக்கில்
கொசுவந்த தெப்படியோ கூறு.

மருந்தும் அடிக்கணும் கொல்லோ இரத்த
விருந்தே விழைந்த கொசுக்கு!

திருந்த மருந்துண்டு தீர்ப்பீரே சிக்கா
அழுந்திப் பழிவாங்கு முன்.

நீரிற் பிறந்து நிலத்திலும் கோலோச்சிப்
பாரிற் கொசுபெற்ற தென்.

கொதுவைப் படைத்தானே கூட   நதிநீரை
விட்டானோ ஊரகத்தில்  இல்!


வேண்டாத வேலைகள் செய்கடவுள் ஆங்கவர்க்கு
வேண்டாமை யாருரைப் பார்?

கொசுக்கொலை என்றிறைவன் கூறினும் அன்ன
நசுக்குதல் நல்லோர் கடன் .

சிறுமண்டைப் பிள்ளைகள் சீரில்பின் வாழ்வு
தருகொசுவைக் கொல்லல் கடன்.

கொசுவொழிப்புச் செய்து குவலயத் தேறின்
பசுவெனினும்  பாராட்டும் காண்.

பசுவுக்கு வால்தந்து பார்த்தான் கொசுவுக்குக்
.கட்டுப்பா டாக்கல் பொருட்டு.