முகாந்தரம்

முகாந்தரம் என்ற சொல்லை ஆய்வு செய்யலாம்.

முகம் என்பது வெளியுலகால் அறியப்படுவது ,   முகமற்றது  அறிதற்கு  இயலாத ஒன்றெனலாம் .

மனிதன்  ஏனை  விலங்குகட்கு  முகம் இருந்து  அறிதற்கு உதவுவது போலவே,  பொருள்கட்கும் விடயங்கட்கும் முகம் போன்ற ஒரு தெளிவு தரும் அமைப்பு வேண்டும்.  இஃது இருந்தாலே சான்று இருப்பதாகக் கருதப்படும்.

"அவனைக் குற்றம் சாட்டுவதற்கு எந்த முகாந்தரமும் இல்லை': என்று இச்சொல் வாக்கியத்தில் வருதலைக் காண்கிறோம்.

இப்போது அணுக்கமாகக் காண்போம்.

முகம் +  ஆகும் + தரம்,
முக +   ஆம்  +  தரம்,
முகாந்தரம் .

பொருள் :   காரணம்,  சான்று,   ஏது,  ஞாயம்,   மூலம்..

சொல்லை விரித்து  எழுதினால்   "முகம் ஆகும் தரம் "  ஆகும் .


முகாந்திரம்  எனினும்  ஆகும்.    திறம் >  திரம் .   முகம் ஆகும் திறம்.