Hilary or Trump?

மாயிரு ஞால மீதில்
மாகடல் இரண்ட  ணைக்கும்
தாயொடு தந்தை போலும்
தன்னிகர் இலாத நாடே
சாயிலா அரசு வல்ல‌
சாதனை அமெரிக் காவில்
தோயுற மக்கள் கொள்ளும்
துலையிலாத் தேர்தல் கண்டீர்.

பெண்மணி ஒருவேட் பாளர்
பீடுடைச் செல்வர் மற்றார்
தண்ணுறு பொழிவு செய்து
தகவினை முகந்த ணிந்தார்;
ஒண்பெறு மிகுதி வாக்கில்
ஓங்கிட நிற்பார்  யாரோ?
பெண்மிகை பெற்றால் ஞாலம்
பெருமிதம் மிளிரும் அன்றே!