சேமித்தல்

சேமித்தல் என்ற சொல், சேர் என்பதனடியாகப் பிறந்த சொல்லே ஆகும். சேமித்தல் அமைந்த விதமாவது:

சேர் > சேர்மி  > சேமி >  சேமித்தல்,  (ரகர  மெய் மறைவு)

இதேபோல் நேமித்தல்   என்பதும்.

நேர் >  நேர்மி  >  நேமி >  நேமித்தல்.  இதுபின் நியமித்தல் என்று திருத்தி அமைக்கப்பட்டது.  நில் > நி > நிய > நியமி  > நியமித்தல் என்றும் கூறுப.

ஒரு > ஒருமி > ஒருமித்தல்  இது ஓர்மித்தல் என்று வராத காரணம், மிகரத்தின் முன், ஒரு என்பது ஓர் என்று  திரியாது.

நில் > நிரு > நிருமி > நிருமித்தல்.( நிற்கச்செய்தல்,  நிறுவுதல்.) /*

லகரம் <> ரகரம் ஒன்று மற்றொன்றாகத் திரியுமென்பதை மறக்கலாகாது. பல மொழிகளில் இது இயல்பு.


*இதை வேறு விதமாகக் கூறுவதாயின் :
நில் > நிலுமி > நிருமி > நிருமித்தல்.
இது இன்னோசை கருதிய திரிபு மட்டுமன்று,  லு> ரு திரிபு முறைப்படியானதும் கூட.  நில்>  நிலுவை என்பது காண்க. இது நிருவை என்று திரியின், நிறுவை  என்பதனுடன் குழம்பக் கூடும் (  மயங்குதல்).

ஒ ..நோ

நிலு >  நிரு    (மேற்படி )
கலு   >  கரு (  கலுழன் >  கருடன்  )