தூணில் அழகியதாய்ப் ---பார்த்துத் .
துய்ய மனத்துடனே
காணின் மனமயங்கும் --- கவினில்
கைகள் குவிந்திடவே,
ஊண்நீர் விபூதிமலர் ---- சந்தனம்
உள்ளவை முன்வைக்கிறோம்,
மாண்புற வாழ்வுயரக் -----கண்ணீர்
மல்கக் கசிந்துருகி.
துய்ய = தூய.
குவிந்திட - கும்பிட.
ஊண் - பிரசாதம்
கவினில் --- கவரும் அழகில்
மாண - சிறப்படைய
மல்க - சொரிய,
கசிந்து -- கரைந்து நீர்வழிய
படங்கள் தந்துதவியவர்: சிவக்குமார். லீலா
மற்றும் திருமதி சி லீலாவின் ஆலய உபயப் படங்கள்: கோவிட் காலத்தில், அது நீங்கும்படி வேண்டிக்கொண்டு நடாத்திய அவர்தம் ஆலயப் பூசைகள்:
கோவிட்டினால் அவர் குடும்பத்தில் இருவர் தவிர யாரையும்
இப்பூசைகளில் அனுமதிக்கவில்லை. என்று கூறுகிறார்.
முடிமுகி வீழ்த்திடுவாய் ---- அம்மையே
முன்னிகர் வாழ்வுபெற.
அடிமுடி யாருனையே ---- அறிந்தார்
அகிலத்து நாயகியே!
குடிகளைக் காத்திடுதல் ---- துர்க்கா
கோதிலை உன்கடனே!
படிமுன் பயப்பற்றுடன் --- நாங்கள்
பதம்பணிந் --தோம் உண்மையாய்.
முடிமுகி --- கோவிட் நோய்
முன் நிகர் -- முன் போல நோயின்றி
அடிமுடி -- ஆதியந்தம்
கோதில் - குற்றமற்ற
படிமுன் - உன் வாயிற்படி முன்னே
பதம் = பாதம்.
சிவமாலையின் கவிதை.
கருத்துகள் இல்லை:
கருத்துரையிடுக