தடுப்பூசித் தளைபெற்றார் அன்னார் போனார்,
தடுப்பூசி பெறார்தாமும் விண்ணே பெற்றார்
விடுப்பேது உமக்கென்று காலன் வந்தான்
வேற்றுமைகள் காணாமல் ஏற்றிச் சென்றான்.
கொடுப்பேனோ உமக்கிங்கு நேரம் என்றான்
கொடுமையிது கொடுமைதான் கூறு வோமே
உடுப்பினையே கழற்றிவைத்த பெற்றி போல
உலகினையே விலகினரே உற்றோம் துன்பம்.
உரை:
தளை - கட்டுதல்.
அன்னார் - அத்தகையோர்
போனார் - இறந்தார்
விண்ணே - சொர்க்கமே, இறப்புலகமே
விடுப்பேது - விடப்படுதல் இல்லை
காலன் - எமன்
ஏற்றி - கொண்டு
பெற்றி - தன்மை
உடுப்பினையே - ஆடையையே
உலகினையே விலகினர் - இவ்வுலக வாழ்வை நீத்தனர்
மெய்ப்பு பின்னர்
கருத்துகள் இல்லை:
கருத்துரையிடுக