(கழிநெடிலடி ஆசிரிய விருத்தம்)
வீட்டுக்குள் இருந்திடுங்கள் வேதம் ஈதாம்
விலகி இடை வெளிவிட்டால் நலமே மீதம்
கோட்டுக்குள் இருந்திருந்தால் சீதா அன்னை
கொல்வினைசேர் இராவணன்பேர் சொல்லும் இன்னல்
ஏட்டுக்குள் ஏறிடாதே கூட்டுள் ஆவி
இந்நாளில் தீமைதவிர்த் தாலே மேவும்
பாட்டுக்குள் பதிந்திருங்கள் படிப்பில் ஆழ்வீர்
பாரியைப்போல் சீர்மிகுத்துச் சிறக்க வாழ்வீர்.
பதவிளக்கம்:
வேதம் - கடைப்பிடிக்க வேண்டிய விதிமுறை
ஈதாம் - இதுவாம்
மீதம் - உண்டாகுமென்பது
கோட்டுக்குள்: கட்டுப்பாட்டுக்குள்.
ஏட்டுக்குள் ஏறிடாதே - இலக்கியமாகி இருக்காது.
மேவும் - வந்து சேரும்.
கூட்டுள் - உடம்பில்
ஆவி - உயிர்
கருத்துகள் இல்லை:
கருத்துரையிடுக