குழைதல் என்பது சோறு பருப்பு போலும் பொருட்கள் சமைக்கப்பட்டு மென்மையாதலை குறிக்கிறதென்பது நாம் அறிந்ததே. ஆனால் இதனுடன் தொடர்புடைய குழுவுதல் என்ற சொல்லுக்கு: கூடுதல், சேர்தல், கலத்தல் முதலிய பொருள்கள் உள்ளன. இவ்விரண்டு ( குழை, குழுவு ) வினைச்சொற்களும் பிறப்பியல் தொடர்புடையன என்பது விளக்கமின்றியே பலருக்குப் புரியக்கூடியதாம்.
குழைச்சு என்ற சொல் எலும்பின் பொருத்தைக் குறிக்கக் கூடியது. இது சிற்றூர்களில் வழக்கிலிருந்தது. பிறமொழிக் கலவைப் பயன்பாட்டின் காரணமாக, இப்போது வழக்கிழந்திருக்கலாம். பலரும் "எலும்போட ஜாய்ன்ட்" என்று பேசுவதைத்தான் இக்காலத்தில் செவிமடுக்க முடிகிறது. "ஜாயின்ட்டில் வலி" என்கிறார்கள். குழைச்சில் வலி என்பதை அண்மையில் கேள்விப்படவில்லை.
குழுவுதல் என்பது வினைச்சொல்.
குழுவு என்பதில் வு இங்கு வினையாக்க விகுதி. அடிச்சொல் குழு என்பதுதான். குழு என்றால் சேர்ந்திருப்பது.
குழுவு : குழு + ஐ + சு.
எலும்புப் பொருத்துகள் சேர்ந்திருப்பவை.
இங்கு ஐ இடைநிலை. சு என்பது விகுதி. முடிபுற்ற சொல்: குழைச்சு. இச்சொல்லின் ச் என்ற மெய் புணர்ச்சியில் தோன்றிய எழுத்து.
ஜாயின்ட் என்று சொல்லாமல் குழைச்சு, பொருத்து என்ற சொற்களைப் புழ ங்கலாம்.
அறிக மகிழ்க
மெய்ப்பு பின்னர்.
கருத்துகள் இல்லை:
கருத்துரையிடுக