விசு என்பது தமிழ் அடிச்சொல். இதிலிருந்து சில சொற்கள் உருவாகியுள்ளன. இதில் தலையாயது: விசும்பு என்ற காயப்பொருட் கிளவி ஆகும். இது விரிவு குறிக்கும் அடியினின்று தோன்றுவதாகும். காயம் என்ற பழைய சொல், பிற்காலத்து ஆகாயம் ஆயிற்று. ஆகாயம் என்பதில் ஆ என்பது ஆதல் குறிக்கும் ''வினை முன்னொட்டு'' ஆகும். பகலோன், பால்நிலவு ஆகியவை காயும் இடமே காயம் எனப்பட்டது. ஆ என்று வாயொலிக்கையில் வாய் திறந்து சொல்வதனால், அதை விரிவு குறிக்கவும் எடுத்துக்கொள்ளுதல் கூடும்..
விசு என்பதனோடு தொடர்பு காணும் சொற்கள்:
விசு - விசும்பு. பு விகுதி.
விசு - விசை. ( விசை என்னும் இயக்கக் குறிப்பு, பொருளின் ஆட்டம் விரிவாதலையே குறிக்கிறது.)
விசனம் அல்லது விதனம் என்பதும் கவலை விரிவினையே குறிக்கிறது. ச-த போலி. தனி> சனி, என்பதில், தனித்தன்மை உள்ள ''கிரகம்'' சனி என்றானது.
விசு > விசாரி ( விசு+ ஆர்+ இ ) . இங்கு ஆர்தல் என்பதும் விரிவு குறிக்கும். ஆர்தல் - நிறைதல்.
விசு- விசுக்கிடுதல், விசனம் படுதல். ( விரிவு). மனவுணர்வு விரிவு.
விசு> வீசு: இடைவிரிவில் பொருளை விரைந்து பயணிக்கச்செய்வது இது. வீசியபின் பொருள் வீழ்தல் நடைபெறும்.
விடு - இது பொருள் நீங்கிச் செல்லுமாறு அனுமதித்தல். விடு > விடை.
அவிதல், அழுங்கல், இரிதல், இறுதல், உடைதல், ஒருங்கல், கந்தல், குறைதல், சிகல், சிதைத்தல், சிந்தல், தபுதல், தௌவல், நந்தல், படல், பொடிதல், மங்கல், மடிதல், முரிதல், ஞவட்கல், விளிதல், வீதல் ஆகியவை தெரிந்துகொள்ளற்குரியவை. இப்போது இதை விளக்கவில்லை.
விசு> விச> விசயம்,
விடை > விடையம்> விடயம் என்பனவும் கொள்க. இது விஷயம் என்று அயலில் வரும்.
விழயம் என்பாரும் உண்டு. விழைந்த செய்தி. விழை> விடை> (விழை அல்லது விடை) + அம் > திரிபு: விஷயம். இது ஓர் பல்பிறப்பி.
அறிக மகிழ்க
மெய்ப்பு பின்னர்
பகிர்வுரிமை
கருத்துகள் இல்லை:
கருத்துரையிடுக