கதிரவனின் ஒளிவீச்சில் கண்கள் கூசும்
கட்டிலிலே கிடந்திடவே வொட்டா தன்றோ!
உதிர்ந்துவிழும் தொங்குசீலைத் துளைகள் தம்மில்
ஒளித்துகள்கள் எழச்செய்யும் விழவும் செய்யும்
பதிந்தபடி படுத்துறங்க இதந்தான் இல்லை!
எழுந்தப்பால் சென்றுவிடின் முற்றும் தூக்கம்.
இதந்தருமிவ் வுறக்கத்தைத் தொடர்ந்து மேவ,
இனியிரவு வரும்விழித்தும் இருக்கப் போமோ?
ஒட்டாது - இயலாது
தொங்குசீலை - சன்னல் துணி
துளைகள் -துணியின் இழைகளின் இடைத்துவாரங்கள்
இதந்தான் - நுகர்வுதரும் நிலைதான்
எழச்செய்யும் - படுக்கையிலிருந்து எழும்பிவிடச்செய்யும்,
விழச்செய்யும் - மீண்டும் கிடக்கச் செய்யும்,
முற்றும் - முடிந்துவிடும்
இதம் தரும் - இன்பம் தரும்
மேவ மேற்கொள்ள,
விழித்தும் இருக்க - இனித்தூக்கம் என்பது வருமென்று இருக்க
கருத்துகள் இல்லை:
கருத்துரையிடுக