பழமையிற் புதுமை பாங்குடன் அறிந்து
வழமையில் வளர்ந்த பொங்கற் பண்டிகை
கிழமையிற் செறிந்து விழவுகொள் அருமை
முதுமையில் இளமையில் என்றும் பற்றுவோம்.
பொங்கலோ பொங்கல் இணங்கி முழங்கி
தங்கிடு மகிழ்வுடன் ஆடுவர் பாடுவர்
எங்கணும் தமிழர் இல்லம் அனைத்திலும்
பங்குறும் அனைவரும் வாழ்கவே வாழ்கவே.
வழமை - தொடர்ந்து கடைப்பிடித்தல்
கிழமை - உரிமை.
செறிந்து - நிறைந்து
விழவு - விழா
பங்குறும் - கொண்டாடும்
பழமை - தமிழர் பண்டுதொட்டுப் போற்றிக் கொண்டாடிய நாள்.
புதுமை - புதுநெல் அறுவடை முதலியவை.
கருத்துகள் இல்லை:
கருத்துரையிடுக