தாழிசைப் பாடல்.
ஆசியக் கண்டத்தின் அதிபுதுமைச் சிறப்புடனே
தேசிய தினத்தைத் தெளிந்துகொண் டாடினையே
மாசறு நன்னாளில் மாலைவளர் மதிபோலும்
ஆசுறவே ஏங்கலற , அனைத்திலும்நீ ஓங்கிடுக,
கலைஅறி வியலிலே காசறுவ ணிகத்தினிலே,
நிலைபெறச்சேர் நிதியமொடு நேரிலாத ஒற்றுமையில்
அலைவறியா ஒப்புமையில் அணிபெறவே இனும்பெருகி
உலைவறியாத் திசைநான்கும் தாங்கிவர ஓங்கிடுக..
கட்டிடத்தில் காவலிலே ஒட்டிவளர் உறவுகளில்
கொட்டுவள மழைடனே கூடுகுடி நீருடனே
எட்டெனவே எண்ணும்நல் திக்கினிலும் கொடிநாட்டி
மட்டிலாத மன்பதையாய் மாநிலத்தே ஓங்கிடுக.
அரும்பொருள்:
காசற - மாசிலாத
ஆசுற - காவல் முன்னணியிலாகும் வகையில்
தெளிந்து - எப்படி என்பதை அறிந்து
நிதியம் சிங்கப்பூர் ஒதுக்கிவைத்துள்ள நாட்டு நிதி.
ஒப்புமை - மக்களிடையே வேற்றுமை இன்மை
அலைவு - அதிர்வு, துன்பம்
இனும் - இன்னும் ( தொகுத்தல் விகாரம்)
உலைவு - நடுக்கம்
ஏங்கல் - இல்லை எனும் ஏக்கம்
திக்கு - திசை
மட்டிலாத - எல்லை குன்றாத
மன்பதை - சமுகம்
மாநிலம் - பூமி
அறிக மகிழ்க
மெய்ப்பு: பின்
கருத்துகள் இல்லை:
கருத்துரையிடுக