சடுதி ஜல்தி

சடுதி என்ற சொல்லை இப்போது ஆய்வு செய்வோம்.

சொல் திரிபு என்பது ஒரு குறிப்பிட்ட பாணியில் நடைபெறுகிறதென்பதை நம் சொல்லாய்வு இடுகைகளை வாசித்துக்கொண்டு வருவோர்க்கு நன்.கு விளங்கும்.

அகர வருக்க முதலாகத் தொடங்கும் சொற்கள் சகர வருக்கங்களாகத் திரியும் என்பதைப் பல இடுகைகளில் எடுத்தியம்பியுள்ளோம். இதன் தொடர்பில் சடுதி என்னும் சொல்லையும் ஆய்வு செய்வோம்.

அடுத்தடுத்துக் குறைவான நேர இடையீட்டில் ஒரு நிகழ்வு நடைபெறுமானால் அதுவே சடுதி என்று பொருள் அறியலாம். இங்கு அடு என்னும் சொல்லே முன் நிற்கின்றது.

அடு பின்பு சடு என்று மாறுகிறது.

அடு > சடு

அடு > சடு > சட்டு.

சட்டு என்பது விரைவுக்குறிப்பு.

இதுபோலும் திரிந்த இன்னொரு சொல்: பிடு > பிட்டு. பேச்சில் இதைப் புட்டு என்பார்கள். 

பிட்டு என்பது எச்சவினையாகவும் வரும்.  பிட்டு என்பது உணவுப்பொருளைக்  குறிக்குங்கால் பெயர்ச்சொல் ஆகும்.  தமிழ் இலக்கணியர் இதனைத் தொழிற்பெயர் என்பர்.

சட்டென்று அந்தப் பையை அவன் பிடுங்கிக்கொண்டான் என்ற வாக்கியத்தில் விரைவுக் குறிப்பாக இச்சொல் வருகிறது.

சடு என்பது தி என்னும் விகுதி பெற்று, சடுதி ஆகும்.

ஆகும்போது விரைவு குறிக்கும்.

சடுதி என்பது ஜல்தி என்றும் திரியும். ஜல்தி என்பது வட இந்தியத் திரிபு. ( தமிழ் > தெக்காணி > இந்தி)

அடுத்தடுத்து வரும் ஒலியை சடசட என்பர்.  மழை சடசட என்று பெய்து சட்டையை நனைத்துவிட்டது என்ற வாக்கியம் காண்க.  இது ஒலிக்குறிப்புடன் விரைவுக் குறிப்பையும் உள்ளடக்கிய இரட்டைக் கிளவி.

இனி 'சடு' என்பது சாடுதல் என்று முதனிலை நீண்டு வினையாகவும் வரும். ஒருவனுக்கு அடுத்துச் சென்று உதைத்தல் சாடுதல்.  அடு > சடு > சாடு.

அடுத்துச் சென்று தொடும் விளையாட்டு :  சடுகுடு.

குடு என்பது அழுத்தித் தொடுதல். இதிலிருந்து குட்டுதல் என்ற சொல் பிறந்தது

இதுகாறும் உரைத்தவற்றால்  சடுதி என்ற சொல்லின் பொருள் 

புரிந்திருக்கும் .

Third party blocking.....

சிவமாலா வலைப்பூவோ ஓட வில்லை;
சேர்ந்தயர்த்திச் சீர்கெடுக்கும் பூச்சி யாதோ!!
அவமாகும் இயுல்பிதுவோ சதியே தானோ
ஆர்வந்து செய்வதென்ன?  அறியேன் யானே!
தவமுனிகள் வந்தாலும் தகுந்த வாறு
தடையகற்றித் தட்பமெய்தக் கூடாத் துன்பம்.
இவணினிமேல் செய்வதற்கோ ஏதுமில்லை
இன்னொருநாள் நன்னாளாம் மகிழ்வு காண்போம்.


Yesterday:   The blog post simply failed to load.  Hence we could not post at all!!

Other websites functioned normally.

A poem composed online was lost at finishing stage.
Hence the above was posted from a different site.

Now we have this blockade.

An error occurred while trying to save or publish your post. Please try again. Dismiss 

You dismiss it, it comes back and blocks.

I am having "fun". 

அழிந்த பண்பாட்டுக்கூறு: நீர்ப்படை (பொதுவியல் திணை)

இன்று பொதுவியல் திணையில் கல்நீர்ப்படுத்தல் என்னும் துறையினைத் தெரிந்துகொள்வோம்.

போரிலே மறவன் வீழ்ந்துவிடுகிறான். அவனுக்கு நடுகல் இடுவது பண்டைத் தமிழர் வழக்கமாகும்.

 வண்டுகள் தேடிவரும் வாசனையுடைய மலர்களைக் கொண்டு மாலைகள் செய்து நடுகல்லுக்குச் சூடிப் பின்னர் அதனை நீர்ப்படை செய்வர். நீர்ப்படையாவது அதனை நீரிலிடுதல்..  அப்போது பாடல்களும் பாடப்பெறும்.  இறந்த மறவனின் புகழை அப்பாட்டுகள்  உள்ளடக்கியிருக்கும்.

தொல்காப்பியம் அதனை நீர்ப்படை என்றும் வெண்பாமாலை கல்நீர்ப்படுத்துதல் என்றும் துறைப்பெயர் கூறும்.

இத்துறையில் இயலும் ஒரு பாடலை ஈண்டுக் கண்டு மகிழ்வோம்.

காடு கனலக் கனலோன் சினஞ்சொரியக்

கூடிய வெம்மை குளீர்கொள்ளப் ----- பாடி

நயத்தக மண்ணி  நறுவிரைகொண் டாட்டி

கயத்தகத் துய்த்திட்டார் கல்.

இதன் பொருளை அறிவோம்:

காடு கனல ----  காடு மிகுந்த வெம்மைபெற; கனலோன் சினஞ்சொரிய --- கதிரவன் கோபத்தைப் பொழிய; கூடிய வெம்மை --  அதிகரித்துவிட்ட வெப்பநிலை ; குளிர்கொள்ள --- தணியும்பொருட்டு;

பாடி   இசை வழங்கி;  நயத்தக மண்ணி – நன்றாகக் குளிப்பாட்டி,  நறுவிரை கொண்டு ஆட்டி --- கமழும் இனிய மணப்பொருள்களைக் கொண்டு நீருக்குள் அசைவித்து,,  ; கயத்தகத்து  -  நீர்நிலைக்குள்ளே;;

உய்த்திட்டார் ---  ஆழ்த்திவிட்டனர்.

மண்ணுதல் என்ற சொல்லின் விளக்கம் முன்னர் ஓர் இடுகையில் தரப்பட்டது. ஆங்குக் காண்க.

மேற்கண்ட இடுகைக்கு:

சொடுக்கவும்:

 http://sivamaalaa.blogspot.com/2017/11/blog-post_14.html

இதுபோன்ற நிகழ்வுகள் விண்மேய மறவர்க்காற்றும் சடங்குகளாக முற்காலத்திருந்தன. ஆழ்த்தப்பட்ட கற்களில் எழுத்துக்கள் இலவென்று தெரிகிறது. எனவே அகழ்வாராய்ச்சிகளில் இவை பயன்படமாட்டா என்பது தெளிவு.

இவர்கள் கல் நீர்ப்படுத்தும்காலை பாடிய பாடல்கள் எவையும் அகப்படவில்லை என்றே தெரிகிறது. கிட்டியிருப்பின் வரலாற்றாய்விற்கு வெளிச்சமாய் இருக்கும்;

பண்பாட்டின் இந்தக் கூறு இப்போது அழிந்தவற்றுள் அடங்கும்.

இவைபோலும் கடைப்பிடிகளால் நடுகல் மண்ணில் நடுதல்,  நீரிலிடுதல் முதலிய சடங்குகள் மூலமாக சிலை செய்து வழிபடும் முறை நடப்புக்கு வந்தது என்று ஆய்வாளர் சிலர் முடிவுக்கு வருகின்றனர், இது உண்மையாய் இருக்கலாம். சிலைவழிபாடுகளை ஆதிசங்கரர் ஏற்றுக்கொண்டார் என்றும் சொல்லப்படுகிறது. இவற்றை ஆய்ந்தோர் எழுதிய நூல்களில் மேலும் வாசித்தறியலாம்.