வாழ்வினொரு பாகமென்ப அரசின் ஓட்டம்,,,,,,,

ஒருமன்னன் வீழ்ச்சியிலின் ‍னொருவன் வந்தான்;
ஒளித்தமிழர் இடைஇதுவோ பழக்கச் செய்தி;
திருமன்னர் தமைநினைந்து விழிநீர் சொட்டி
தேறாமல் திரைபோலும் அலைந்தார் பல்லோர்;
பெருமக்கள் குடியரசாள் இதுநாள் கூட‌
பெருநிகழ்வு தானிதுவாய் நடத்தல் கூடும்
வருதக்க  துன்பமெலாம் வரவே செய்யும்
வாழ்வினொரு பாகமென்ப அரசின் ஓட்டம்.

தொண்டு மனத்தவராய்த் தோய்ந்துமுன் ............

தொண்டு மனத்தவராய்த் தோய்ந்துமுன் நிற்பினும்
நின்றுசூழ் வாருமது கொண்டணைக்க வேண்டுமே!
ஒப்பார்முன் தோன்றுதல் ஒல்லாதே செய்தொழிலும்
தப்பாகக் கொள்வரே காண். 

இறைவனே இவ்வுலகிற் கிறங்கி.....

இறைவனே இவ்வுலகிற் கிறங்கி வந்த‌
இன்பழமைக் காலத்திற் கேகி நாம்போய்
நிறைவான சண்டையிலா உலகம் தன்னை
நிறுத்தின்றிக் காலயரத் தேடி  னாலும்
குறைவான பலன்கூடக் கிடைக்கா தம்மா
கோதற்ற போரற்ற ஞால மில்லை;
வரைவின்றிப் பலவாறு கருதிப் பேசும்
வளமூளை மனிதனதே ஆன தாலே.