தேர்தல் கலை

 இந்தியப் பெருந்தேர்தல்  --- கள்ளம்
 இல்லாப்  பொதுமக்கள்!---சொல்லால்
 வந்து பொழிந்திடுவார் ‍‍‍‍‍‍‍‍‍;--- வேட்பர்
 வயம்தமை   இழந்திடுவர்.

 எங்கும் நடப்பதுபோல்  --- தருவார்
 தம்முறுதி  மொழிகள்‍--- களத்தில்
 தங்கி  உழைப்பவர்போல் --- தோன்றின்
 வென்றி விளைப்பவரே!

 தேர்தல்  போனபின்னே  ‍‍‍‍--- சொன்னவை
 தேற வில்லை யென்றால் --- அதுவும்
 யார்தம்  குற்றமையா ‍‍‍---  அதுவே
 தேர்தல் கலையல்லவோ!

 மீண்டும்  வேறொருவர் ‍‍‍‍--- தம்மை
 மேற்கொண்டு செல்வதன்றி  ‍‍--- ஞாலம்
 யாண்டும்  வேறுவழி ---- இல்லார்
 யாது     தலைப்படுவார்?‍‍



வேட்பர்   ==  வேட்பாளர்.   
சொல்லால் வந்து (உறுதிமொழிகளைப்) பொழிந்திடும்  வேட்பாளர் வயம்  தம்மை இழ ந்திடுவர் என்ற படி.  சொல்லாடும்  திறம்  கூறியது. 
 வென்றி ==  வெற்றி.
மேற்கொண்டு -   தேர்ந்தெடுத்து.
தலைப்படுவார்? =  செய்ய இயலும் ? என்பது 

uthayam உதயம்

அ , இ , உ  என்பன சுட்டுக்கள். இவற்றிலிருந்து அது, இது உது என்பனவும் அவை, இவை, உவை  என்னும்  அவற்றின்  பன்மை வடிவங்களும் தோன்றின.
மொழியில் உது, உவை என்பன இருப்பினும், நாம் அவற்றைப் பயன்படுத்துவதில்லை; அதற்கான இயல்பான வாய்ப்பும் ஏற்படுவதில்லை.

அ , இ , உ  என்பன  பல சொற்களுக்குத் தாயானவை. இவற்றுள் "உ" மிகப்பல சொற்களுக்குத் தாய்.  உ - ஒரு மக்களைப் பெற்ற மகராசி.

காலை முன் எழுவித்து ஒரு பொருளை சற்று கடினமாகத் தொட்டால்,  உது  என்பதிலிருந்து உதை என்ற சொல் பிறந்து, அச்செயலைக் குறிக்கின்றது.

பிற மொழிகள் பெரும்பாலும் தமிழ்ச்  சொல்லின் இரண்டாம் 3எழுத்தை முதலாக்கி அதிலிருந்து சொற்களைப் படைத்துக்கொள்கின்றன.

எடுத்துக்காட்டு:

உது > உதை  (தமிழ் )  பேச்சு வழக்கு : உத - ஓத
உதை  > ஒத  >  த >  தி(ண்டாங்)  (மலாய்)..

You have to make a research into many similar words to ascertain what is ("ண்") ("டாங்")

அரு > அருமை  (தமிழ்)
அரு>  ரேர்  (  rare)  ஆங்கிலம். "re" is hardly pronounced or not stressed.

இப்படிப் பல முன்  காட்டியுள்ளேன். அறிஞர்  பிறரும் எடுத்துக்காட்டியுள்ளனர்.

 சரி, இப்போது உதயம் என்ற சொல்லுக்கு வருவோம்.

உ  (முன்னிலை )

உது  >  உத > உதயம் .   (முன் னெழுதல்)

பல்லாயிரம் ஆண்டுகள் மொழிகள் தனித்தனி வளர்ச்சி  கண்டு உருப்பெற்றதனால்,   சொற்களின் ஒற்றுமை  குன்றியும் வேற்றுமை விரிந்துமே  காணப்பெறும். தொடர்நோக்கின்  (prolonged and focused examination)  பயனாகவே உண்மை உணரலாகும்.

தேவை & தேள்வை

தேவை என்ற சொல்லைச் சிலர் தேள்வை என்றே சொல்வர்.

இவற்றின் தொடர்பினை ஆய்வு செய்வோம்.

நீள் என்ற சொல்,  நீடு எனறும் தோன்றும்.

நீள் + அம் =  நீளம்;

நீடு + அம் =  நீட்டம்.

நீள் =  நீடு.  நீளுதல் ‍    நீடுதல்.   நீள் >  நீடு.

எனவே,  தேள்  >  தேடு.   

தேவை என்பதில் வை என்பது விகுதி. --- மூலம்  தே என்பது.

தே >  தேள் > தேடு.

தே+ வை = தேவை.

தேள் + வை = தேள்வை.

எனவெ, தேள் எனபதில்   ளகர  ஒற்று  குறைந்திருக்கலாம். தே என்றாகியிருக்கலாம்.

அல்லது தே என்பது ள் பெற்று நீண்டிருக்கலாம்.

எனவே,  தேள்வை என்பதும் ஏற்றுக்கொள்ளற்பாலதென்போம்.