இராணி என்ற சொல்லுக்கு வாக்கியவிளக்கம்.

 தமிழ் உலகின் முதல்மொழி அல்லது தாய்மொழிகளில் மூத்தது  எனவும் பிறவழிகளிலும் தமிழைப் போற்றுவதால்,  எமக்கு சொந்தத்தில் ஒரு புண்ணியமும் இல்லை.  இங்கு யாம் புண்ணியம் என்று கூறுவது  பயன் என்ற வழக்குப் பொருண்மையில்:  அதாவது பயன்பாட்டில் புண்ணியம் என்ற சொல்லுக்குத் தரப்படும் பொருளில்தான். நம்மில் பலருக்கு நம் கொள்ளுத் தாத்தாவின் பெயரும் தெரியாது.  ஒருவேளை தமிழ்நாட்டுச் சிற்றூர்களில் வாழ்வோரில் பலருக்குத் தம் கொளளுத்தாத்தாவின் பெயர் தெரிந்திருக்கக் கூடும். நீ ண்ட காலத்துக்கு முன் புலம்பெயர்ந்து வெளிநாடுகளில் வாழ்வோருக்கு இத்தகைய குலவரலாற்று அறிவு பெரும்பாலும் இருப்பதில்லை. சிலருக்குச் சற்று அதிகமாகத் தெரிந்திருக்கலாம். தேர்தலில் வாக்கு இடுவதற்கு காசு பெற்றுக்கொள்ளும் நிலையில் உள்ளவர்களுக்கு ஏழ்மை மிகுந்திருப்பது மக்களாட்சி முறையையே ஒரு கேள்விக்குறி  ஆக்கிவிடுகிறது. இது வருந்தத் தக்கதுதான்.  ஏழ்மையினால் பொருள்பெற்றுத் தன் நிலையை மாற்றிக்கொள்பவன், தன் கடவுட்கொள்கை, பிறப்பினம் என்று எதையும் மாற்றிக்கொள்வான். 

தன் கருத்து எங்கோ  போய் எதையோ அல்லது யாரையோ இடிக்கிறது என்றால் ஒன்று அதை எதிர்த்து இடிக்காமல் செயல்புரியவேண்டும்;  அல்லது ஓடிவிடவேண்டும்; அல்லது நிறுத்திக்கொள்ளவேண்டும். Fight, Flight, Freeze. என்று  இதை ஆங்கிலத்தில் சொல்வார்கள்.  ஆனால் பிற சூழல்களும் உண்டு. அவற்றை இங்கு விவரிக்கவில்லை.

இனி இராணி என்ற சொல்லுக்கு வருவோம். பெண்ணானவள் தலைமை ஏற்றிருக்கும் போது அவள் இரண்டு ஆண்களுக்கும் ஒப்பானவள் என்று ஒரு பொருள் உண்டு.  இரு ஆண் இ என்று பிரித்துப் பாருங்கள்.  இரு ஆண்கள் இந்தப் பெண்ணுருவில் இங்கு இருக்கிறாள் என்று பொருள் கொள்ளலு மாகும். இச்சொல்லில் இரு என்பது இர் என்று தன் ஈற்று உகரம் குன்றும்.  இர் என்பதே அடிச்சொல்  ஆகும். இன்னோர்  ஆணுடன் பதவி ஏற்றிருப்பவள் என்றும் பொருள் கூறலாம்.  அப்போது இரு = இருப்பவள்  ஆண் -= ஆண்மகன்; இ அருகில் இருக்க. இது பிறழ் அமைப்பு ஆகும்.

இச்சொல்லை  அரண் > அரணி,  ராணி என்று அரணை உடையவள் என்று பிரித்து முன் விளக்கியுள்ளோம். அரசன் அப்போது ராணா எனப்படுவான். ராணா எனில் அரண்> அரணன்> அரணா> ராணா  > ராணி. (பெண்பாற் பெயர்)

அறிக மகிழ்க,

மெய்ப்பு பின்

மெய்ப்பு > 09122024 0504

(சில திருத்தங்கள்)

அனைத்தும் என்ற சொல்.

 அனைத்தும் என்ற சொல்  து விகுதி பெற்று அமைகிறது. இதற்கு நேரான ஒருபொருட்சொல்  எல்லாம் என்பதுதான்.  இது நீங்கள் அறிந்தது.

து என்பது அஃறிணை ஒருமை வடிவம். அதன் காரணமாய் இச்சொல் உயர்திணை   வடிவ உயிர்களை  உணர்த்தவில்லை. து விகுதி உயர்திணைக்கு வருவதில்லை. 

ஆனால் து என்பது ஒருமை எண்  ஆகிறது.   அனைத்தும் என்னும் போது ஒன்றுக்கு மேற்பட்ட பொருட்களை -  அதாவது பன்மையை - உணர்த்துகிறது. பல்பொருட்களை ஒன்றாக்கும் போது பல ஒன்றாதல் காண்க.

இவ்வாறு பல ஒன்றாதலின் காரணமாக்  ஒருமைத் து விகுதி ஏற்புடையதாகிறது.

ஒருமையைக் கொண்டு பன்மையை உணர்த்திய உத்தி இதுவாகும்.

ஆனால் எல்லாம் என்ற சொல்லுக்கு இப்படியான விளக்கம் தேவையின்றாகிறது காண்க.

அறிக மகிழ்க

மெய்ப்பு பின்னர்

தசரதன் என்ற சொல்லுக்கு மற்றொரு முடிபு

 காட்டுக்குப் போகப் பணிக்கப்பட்ட இராமனுக்குத் தசரதன் எந்த உதவியும் செய்ய முன்வரவில்லை.  அவன் தயை இல்லாதவனாகினான்..

ஆழிசூழ் உலகமெல்லாம் பரதனே ஆள்க  என்று கூறிக்கொண்டு ஒன்றும் செய்தானில்லை.

தயை அற தான் நின்றபடியால்  தயறதன்  ஆனான்:  இது தசரதன் என்று மருவிற்று எனலும் ஆகும்.

தயை > தயா > தய  . [தயவு]

அறு > அற>  ( ,இது வினை எச்சம்) இது அறவு எனத் தொழிற் பெயராகும்.

அற என்பது பின்னர் அர என்று மாறியது.

தய. அர  து அன் >. தயரதன் ,> தசரதன்

பத்து ரதம் இருந்தன என்பது செல்வத்தைக் காட்டும்.  ஆனால் இங்குக் கூறிய இப்பொருள் கதையுடன் மிக்க நெருக்கம் உடைய பெயராகக் கொள்ளற்குரியது.

தசம், இரதம் என்பவை தனித்தனி இடுகைகளில் பொருள் சொல்லப்பட்டுள்ளன . இவற்றை மறுநோக்கு ஏற்றிக்கொள்க.

அறிக மகிழ்க

மெய்ப்பு பின்