பாசிப்பயறு - முளை.

 

காசைச் செலவுசெய்து கார்மழையில் வண்டியேறி

ஆசைப் பயற்றுமுளை ஆம்காண ----கூசொளியில்

செம்மைச் செடிகாணும் சீர்மனைக்குள் செல்லாரே

தம்மகத்துக் காண்க தழைப்பு .

அருஞ்சொற்பொருள்:   ஆசைப் பயற்றுமுளை ஆம்   -- விரும்பும் பயற்றுமுளை ஆவதை.  இங்கு ஆவது என்றால்  முளைத்துச் செடியாய் ஆவது.   காண - ஆவதைக் காண என்று இசைக்க.  கூசு ஒளி -  ஒளி மிகும் மின் விளக்குகளால் கூசுவது.   செல்லாரே -  அங்குப் போகாதவர்கள்.  தம்மகத்து -  தம் வீட்டில்.   தழைப்பு  - செழித்து வளர்வது.  

ஒருசட்டி மண்ணில் இருசிறங்கை தூவிச்

சிறிதளவில் நீர்தன்னைச் சேர்க்க -- வருபயிரால்

பாசிப் பயற்றுமுளை பார்க்கும் பயன்பேறு

தேசத்தார் யார்க்கும் எளிது.

அருஞ்சொற்பொருள்:

இருசிறங்கை  -  இரண்டு கைம்மண்ணளவு.   வரு பயிரால் -  முளைத்து எழும் பயற்றுப் பயிரால். பயன் பேறு  --  (பார்க்கும் ) வாய்ப்பு பெறுதல்.  தேசத்தார் - பொதுமக்கள்.

[வெளியில் மழை.  ஆனால் காட்சிமனைக்குள் கண்கள் கூசும் ஒளி. பலபயிர்களையும் காசுகொடுத்துக் காணலாம்.   ஆனால் வீட்டுமுன்னே வேண்டிய செடிகளை சட்டிகளில் நட்டுவைத்தும் கண்டுமகிழலாம்.]

படம்:

இவை பாசிப்பயற்றுச் செடிகள்.

மீள்பார்வை: பின்னர்.

நோய்த்தொற்றில் எடை கூடுதல்

நம் அன்பருக்கு உடலெடை கூடி முதுகு வலி வந்துவிட்டது. தொற்றுப் பரவலால் வெளியில் ஒன்றும் செய்ய இயலவில்லை. உங்கள்

ஆலோசனையை வழங்குங்கள் 

இக்கவிதை நடமாட்டக் குறைவினால் ஏற்படும் விளைவுகளை

முன்வைக்கின்றது.

 மகுடமுகி உலவுதொற்றில் மனையைப் பூட்டி

மக்கள்தொடர் பேதுமின்றி உட்கி டந்தேன்.

வெகுநலமே தந்திடுவீட்  டுணவி   னாலே

வீக்கமொத்த சதைபோட்டு உடல்க   னத்து

தகுபயிற்சி  ஒன்றுமின்றித் தவிக்கின் றேனே

தசைகொழுப்பு தணிபதற்கோ வசமி  ழந்தேன்

நகுபகடி செய்திடாது கருத்தை என்பால்

நல்லபடி  சொல்லிடுவீர் இல்லம் வெல்க!

உடலெடை குன்றவே  உண்டோ  மருந்து

படுகின்ற  என்புவலி  ஏறித்    -----  தொடர்ந்திடவே

யான்துன்பம்  கொண்டேனே  என்னதான் செய்வது

தான்தன்னில் தீராத  நோய்.

நீங்கள் எப்படிச் சமாளிக்கிறீர்கள். பின்னூட்டம் செய்யுங்கள்

பொருள்:  மகுடமுகி ---  கொரனா வைரஸ்.  

உட்கிடந்தேன் -  உள்ளே இருந்தேன்.

வீட்டுணவு -  வீட்டில் சமைத்துத் தரும் உணவு.   

கனத்து - எடை கூடி

வசமிழந்தேன் -  வழியில்லாமல் போய்விட்டேன் 

 நகுபகடி -  சிரித்துக் கேலி கிண்டல் (செய்யாமல். )

 என்பு - எலும்பு.  தான் தன்னில் - தானாகவே

நம் நேயருக்கு முதுகுவலி

எடை கூடிவிட்டது.

கொரனாவால் வீட்டைவிட்டு  வெளிப்பயிற்சிகள் செய்ய

இயலவில்லை.

மெய்ப்பு: 14022022

கருத்துத் திருடர்கள்

 சிலர் மொழியாய்வு  செய்து புகழ்பெற வேண்டும் என்று ஆசைப்படுகிறார்கள். பாவம் எதை ஆய்வு செய்வது என்று தெரியவில்லை. நாம் எழுதிய ஆய்வை எடுத்து , அதில் சில மாற்றங்களைச் செய்து வெளியிடுகிறார்கள். அப்புறம் அவர்களுக்கே அச்சமோ நாணமோ வந்து,  வெளியிட்ட தேதியை ஓர் இருவாரங்களுக்கு முன் போட்டுச் சரிப்படுத்திக்கொள்கிறார்கள். இதுபோன்ற ஒன்றை இன்று பார்க்க  நேர்ந்தது.

இத்துணை சூனியமானவர்களெல்லாம் ஏன் எழுதப் புறப்படவேண்டும்?

தேதியை மாற்றி எழுதினாலும் காவல் துறையினர் கண்டு பிடித்துவிடுவார்கள். ஆதலால் இதைச் செய்யக்கூடாது.

மடையன் என்பதும் ஒரு சொல்தான். அதையே ஆராய்ச்சி செய்வது நல்லதன்றோ?

Warning :  Things you delete are not completely erased. These can be retrieved in forensic examination by  law enforcement.  When something is published, there may be others who copy and keep it, with date of publication. When you change the date later, ..............!