பின் என்பதனடித் தோன்றிய சொற்கள்

பின் என்னும் சொல்லை மேலும் அணுக்கமாகக் கருதுதற்கு இது நல்ல தருணமே.

பிம்பம் என்ற சொல்லும் பின் என்பதனடிப் பிறந்ததே. பின்> பின்பு> பின்பு+அம் > (பின்பம்) >  பிம்பம் > bimba.

இது பின் தொடர்வதாகிய நிழல்போலும் ஒற்றொளியைக் குறிக்கிறது. 

இதுபோலும் ஒளி முன்னும் விழுவதுண்டே, எனின் உண்டுதான். சொல்லைமைப்பில் எல்லாக் கோணத்துக் கருத்துகளையும் உட்புகுத்திவிடுதல் அரிது. வேண்டாத எல்லாவற்றையும் திட்டவட்டமாக விலக்கிவிடவும் முடியாது.  நாற்காலி என்பது நாலு கால்களை உடையது என்று பொருள்பட்டாலும் அது வழக்கில் நாய்க்குட்டிக்கு ஒத்துவருவதில்லை.  ஆகவே காரண இடுகுறியாகிறது. பகுதி காரணத்தையே உள்ளடக்கிற்று. மிகுதி: இடுகுறியாய் நிற்பதாம்.

ஒற்றொளியாவது ஒன்றி அல்லது ஒற்றி வரும் ஒளி. 1

பின் என்பதனடி வேறு சொற்கள் சில::

பின் > பின்னணி. (பின்னணிப் பாடகி........)

பின் > பின்னடி (சந்ததி)

பின் > பின்னகம்  (வேறுபாடு)

பின் > பின்னம் ( அரை. கால் எனவரும் இன்ன பிற)

பின் > பின்றுதல்,  ( இது வினைச்சொல்.  அருகியே வழங்குகிறது).

பின் > பின்னுதல். ( நூல் பின்னல். சடைப்பின்னல்).

பின்றை > பிற்றை.

பின் > பின்னிதம் ( பின்+ இது + அம்).  வேறுபாடு.

பின் > பின்னிலை.  பின்பற்றுதல். வழிபாடு.

பின் > பின்னிரை (பின்+ நிரை).  நிரை : வரிசை.

பின் > பின்னோக்குதல் .  (எதிர்பார்த்தல்).

பின் > பின்னை

பின் > பின்னர்

பின் > பின்னனை ( பின்+அ(ன்)னை):  சின்னம்மா, சிறியதாயார்.

இன்னும் உளவற்றைப் பட்டியலில் சேர்த்துக்கொள்க.

குறிப்புகள்:

1.       ஒன்றும் ஒளி :  ஒன்று+ ஓளி > ஒற்றொளி,  வலித்தல் விகாரம். இன்னோர் உதாரணம்:  இரும்பு+ பாதை = இருப்புப்பாதை. Railway tracks.  கம்பிச்சடக்கு என்பர் மலேசியவழக்கில்.

Situation at the China India border:

If the Indian Armed Forces wanted  to bring a bull dozer to the India China border (say in the event of an earthquake, you need heavy machinery to help in the rescue work even though the area is sparsely populated ) they will have to dismantle it into parts and  fly them to the border by helicoper.  There the mechanics will have to reassemble the bull dozer and then test it.

Modi has to focus on many problems.  He is remedying such problems .

It is  a wonder  that such problems have not been addressed previously.

http://www.firstpost.com/india/sikkim-standoff-chinas-animus-towards-india-stems-from-its-annoyance-with-narendra-modi-govt-3864289.html

ஐதராபாத்துப் பிச்சைக்காரர்கள் இடம்பெயர்வு

அமெரிக்க அதிபர் டிரம்ப்பின் மகளார் இவாங்கா 

ஐதராபாத் வருகை முன்னிட்டு அந்நகரம் தூய்மைப்

படுத்தப்படுகிறது.  முதல் வேலையாக பிச்சைக்காரர்கள் 

அப்புறப்படுத்தப்படுகிறார்கள். இவர்களில் பலர் பல 

தந்திரங்கள் செய்து பிச்சையைத் தொழிலாக நடத்துவோர்.

இதுபற்றிய கவிதை இங்கே.  படித்து இன்புறுவீர்.

இருமூன்றா  யிரத்தினையும் மிக்கு நின்ற

இரந்துதொழில் புரிந்தோர்-ஐ தரபாத்  தன்னில்,

பெறும்ஈண்டு  புதுவாழ்வு காணீர் மக்காள்!

பெயர்ந்தவர்கள் அரசுதரும் சிறைக்கூ டத்தில்

நறுமாண்ட வசதிகளை நுகர்ந்து வைகும்

நன்னிலையை அடைந்திடுவர் நலமே சூழ.

தெருமீண்டு தூய்மை  நிலை தேரும், இன்றே

தென்னாட்டில் ஓர்புதுமை இந்நாள் மின்னும். 1

அமெரிக்க நல்லதிபர் அருமைச் செல்வி

அங்கவையில் தோன்றியுரை ஆற்றச் செல்வார்.

சுமையாக நகரத்தில் திரிந்து சுற்றும்

சுள்ளகற்றி நல்ல நிலை உய்த்துக் கொள்ள,

தமையிருத்தும் காவலர்கள் தரணி போற்றும்!

தாமிரந்தோர் வாழ்வுறவே தடுத்தாட் கொண்ட,

இமைபொருத்தி விழிகாக்கும் அரசை நாமும்

இனி இங்கு பாராட்டல், இனிதே யாமே.           2

உரை:
 பாடல் 1:
மிக்கு - மிகுந்து.

ஈண்டு - மிகுந்த.

நறு மாண்ட - நல்ல மாண்புடைய.

வைகும் -  தங்கும்.
தெரு மீண்டு - வீதிகள் பிச்சைக்காரர்கள் பிடியிலிருந்து
 மீட்சி பெற்று;

தேரும் - தேர்ச்சி பெறும்.

  பாடல் 2:

அங்கவையில் -  அங்கு அவையில்.

சுள் - சிறுமை, இழிவு.

உய்த்துக் கொள்ள - ஏற்படுத்திக் கொள்ள

இருத்தும் - இருக்கச் செய்யும்.    நிலை  நிறுத்தும்.

காவலர்கள் - போலீஸ்

இரந்தோர் - பிச்சை எடுத்தவர்கள்