how the moon helped lovers

காட்டில் காணமற் போன காதலளைக் கண்டுபிடிக்க உதவிய மதியை இப்பாடல்  புகழ்கிறது.


இருங்கானுட் சென்றோன்  இருளில் மறைந்தான்
உறங்காது உறைந்தாள் தலைவி---சுணங்கா(து)
ஒளியால் வழிகாட்டி ஒன்றுபட நேர்வித்(து)
அளியால் அணிசெய் மதி.

அளி -  அருள் , அணி - அழகு 

சென்றவிடம் எங்கோ-?

தீபாவளிக்கு நண்பர் சின்னக்கண்ணன் ,,,,,,,,,,,,,,,,,,,,,,,,,,,,,,,,,, அவருக்கு இந்த வெண்பா"

பெரியகண்ணன் பேர்புகழ்தீ பாவளி நாளில்
சிறியகண்ணன் சென்றவிடம் எங்கோ-- நறியதேன்
ஒத்த தமிழ்ப்பாடல் ஒன்றிவண் தந்தவரும்
மெத்தப் புகழ்ச்சிபெறல் விட்டு.

இருபொருள்:

தந்தவரும் -- தந்து+அவரும், தந்தவர் +உம்.

கணினிக் கோளாறு சமாளிக்கும் முறை

கணிணியில் கோளாறினால் சில வேளைகளில் நாமேழுதுவது தொலைந்துவிடுகிறது! இதற்கு என்ன செய்யலாம் என்று யோசித்தேன்.  இந்த வெண்பாக்கள் தோன்றின.



தாளில் எழுதிப்பின் தன்மடி மீதுவைத்துத்
தோளின் சுமைஇறக்கு மாபோலே---மீளவுமே
தட்டச்சு செய்தாலே தான் தொலையா நிற்றலுறும்
விட்டச்சம் வீற்றிருக்க லாம்.

(பொருள்:  தான்தொலையா நிற்றலுறும்  -  தான் தொலையாமல் நிற்கும். விட்டச்சம்  - அச்சம் விட்டு என்று முறைமாற்றிப் பொருள்கொள்க.  )

திருத்தம் திறப்படுத்தும் காலை அழிந்தே
உறுத்தி உளைச்சல் உளத்தே -- கருத்திழந்தேன்
தூங்கி அதன்பின் தொடங்கவிலை இன்னுமே
ஆங்கிருப்பின் ஈங்களித்தல் அன்பு.

(இது இணையதளத்தில் அதைப்படித்தவர்கள் வைத்திருந்தால் தந்துதவும்படி  வேண்டுகிறது.
 ஆங்கு = அங்கு ;  ஈங்கு = இங்கு 
உறுத்தி உளைச்சல் உளத்தே -   உளத்தே  உளைச்சல் உறுத்தி  என்று முறைமாற்றுக, )