மோடி பொருளியல் வெற்றி.

இந்தியப் பொருளியல்  (GDP -  மொத்த உள்நாட்டு உற்பத்தி) இப்போது மேல் நோக்கிச் சென்று கொண்டிருக்கிறது என்று மதிப்பிடப்பட்டிருக்கிறது. இது வெளிநாட்டுப் பொருளியலாளர்களாலும் ஒருவகையில் எதிர்பார்க்கப்பட்டதே என்னலாம். இந்த மேம்பாட்டின் சிற்பிகள் தலைமையமைச்சர் மோடியும் நிதியமைச்சர் அருண் ஜெட்லியும் என்பது நாம் வாசிக்கும் இதழ்களிலிருந்து நமக்குத் தெரிகிறது.

ஆனால் நாட்டில் உள்ள சில வீழ்ச்சிகளை ஓர் எதிர்க்கட்சி சுட்டிக்காட்டுகிறது. எட்டாண்டுகளாக நாடு குறித்த சில வீழ்ச்சிகளிலிருந்து மீளவில்லையே என்`கிறது.  அந்த எதிர்க்கட்சிதான் மோடிக்கு முந்திய பத்தாண்டுகள் பதவியில் இருந்தது. அப்போதெல்லாம் அக்கட்சி என்ன நடவடிக்கை எடுத்தது என்ற கேள்வி எழுகிறது.  யார் என்ன செய்ததனால் அந்த வீழ்ச்சி ஏற்படத் தொடங்கியது என்ற  கேள்வியும் கூடவே எழுகிறது!

நாம் எந்தக் கேள்வியும் கேட்கலாம்.  ஆனால் கேட்பவனுக்கே  அதன் தொடர்பான எதிர்க்கேள்விகள் எழுமானால்  மோடியைக் கேள்வி கேட்பதில் ஏதும் நன்மை இருப்பதாகத் தெரியவில்லை.  இதையும் இவைபோன்ற பிற வீழ்ச்சிகளையும் சரிசெய்ய இவர்களிடமும் எந்த மாத்திரையும் இல்லை என்பதே இதிலிருந்து பிறர் அறிந்துகொள்வதாகும்.

மோடியார் சொல்வது (மொத்த உள்நாட்டு உற்பத்தி ) அரசில் சேவையாற்றும் பொருளியல் வல்லுநர்கள் கணித்துப்  பார்த்து  அறிவித்ததாகவே இருக்கவேண்டும். ( அவர் சரிபார்த்திருக்கலாம்.  ஆனால் கணக்குவேலை வல்லுநர் செய்வது.  எல்லா அரசிலும் அப்படித்தான்.)   அதைத் தவறு என்று சொல்ல அந்த விவரங்கள் எல்லாம் நமக்குத் தெரிந்திருக்கவேண்டுமே!  மோடி ஏணியைப் பற்றிச் சொன்னால் எதிர்க்கட்சிகள் ஏற்றத்தைப் பற்றி பேசிக்கொண்டிருப்பது, ஒன்றுக்கொன்று தொடர்பற்றவை.

அடிக்குறிப்பு:

உற்பத்தி  -  சொல்லாக்கம் அறியச் சொடுக்கவும்:
http://sivamaalaa.blogspot.com/2013/11/blog-post_20.html
கரு, விதைகள் முதலானவை "உள் பற்றித்தான்"  உருவாகுகின்றன.  இது
திரிசொல்.  உள் - உல்.  பற்றி -  பத்தி.  உல்+பத்தி.  உறுப்பத்தி என்னும் பேச்சுச் சொல்லும் கவனிக்கப்பாலது.

கூர்மாவதாரத்துக்கு ஒரு சொல்.

கூர்ம அவதாரத்துக்குத் தமிழ் தந்த சொல்.

இங்குக் கண்டு மகிழவும்.

https://wordpress.com/post/bishyamala.wordpress.com/833

கூர்மம் என்ற உயிரி

நங்கூரம் என்ற சொல்

இன்று நங்கூரம் என்ற சொல்லை  ஆராய்வோம்.

நம் தமிழ்மொழி பன்முகங்கள் காட்டும் ஒரு மொழி.  அதாவது:  சில சொற்களைச் செவிமடுத்தால் அது சீனமொழிச் சொல் போலிருக்கும். எடுத்துக்காட்டாக:  சாய், பாய், நாய்,  வேய் என்று  ஒலிக்கும். இத்தகைய ஒலியுடைய சொற்கள் சீனமொழியில் உண்டு. ஆனால் அவற்றின் பொருள் வேறுபட்டன.  சில இந்தோ ஐரோப்பியச் சொல் போல  ஒலிக்கும். வேறுசில மலாய் போல தோன்றும்.  இவற்றுள் திரிந்து வேற்றுமொழிபோல் தோன்றுவனவும் ஒருதிரிபும் இல்லாமலே அப்படித் தோன்றுவனவும் உண்டு. ஒலியமைப்பை மட்டும் வைத்து இது எம்மொழிச் சொல் என்று தீர்மானிப்பதில்லை.

சில தமிழ்ப் பெயர்களை வால்வெட்டிவிட்டுக் கேட்டால் வெள்ளைக்காரன் பெயர்போல் இருக்கும்.  எடுத்துக்காட்டாக பெரியசாமி என்பவர் தம் பெயரைப் “பெர்ரி” என்று மாற்றிக்கொண்டு தம் நண்பர்களிடையே மிக்க விரும்பப்படுபவராக ஆகியிருந்தார்.  “மிஸ்டர் பெர்ரி”  ஆனார்.

இவற்றை ஏன் கூறுகிறேன் என்றால் தமிழியல்பினை விளக்குவதற்காகவே. பேசும்போது கடினமாகத் தமிழரல்லாதோருக்குத் தோன்றினாலும் தனிச்சொற்கள் பல வேளைகளில் அப்படிக் கேட்பதில்லை. சில தமிழ்ச்சொற்கள் அயற்சொல் போல் தமிழருக்குச் செவியில் ஒலிக்கலாம்.  அத்தகைய சொற்களில் நங்கூரம் என்பதுமொன்று.

இச்சொல்லில் இரு பகுதிகள் உள. ஒன்று நன்மை குறிக்கும் “நன்” என்பது. இன்னொன்று கூர் என்பதிலிருந்து பெயர்ச்சொல்லாக விளைந்த கூரம் என்ற சொல்லாகும்.

மனத்தில் நன்மை கருதியபடி, சொல்லால் மகிழ்வுறுத்தச் செய்யப்படும் நகைச்சுவைப் பேச்சை : " நங்கு " என்று குறித்ததும் கருதவேண்டியதே ஆகும்.  நன்மை+கு = நங்கு.  இங்கு : " ன் " என்பது " ங் "  எனத் திரிந்தது.

கடலில் கப்பல் கவிழாமல் இருக்க நீரடியில் இறக்கப்படும் கூரான இரும்புதான் நங்கூரம்.  கப்பல்கள் அடிக்கடி கவிழ்ந்து உயிர்ச்சேதமும் பொருட்சேதமும் விளையாமல் நல்லபடி இருக்கவேண்டும் என்பதை முன் நிறுத்தி “ நன் “ சொல்லின் தொடக்கமாகிறது. வறுமையில் வாட்டமுறுவோருக்கு “ நல்கூர்ந்தார்”  என்று ஒரு சொல் ஏற்படவில்லையா?  வறுமையில் நன்மை ஏதும் இல்லை. இருந்தாலும் நன்மை இனி விளையவேண்டும் என்ற நம்பிக்கையிலும் எதிர்பார்ப்பிலும் இச்சொல் இங்கனம் அமைந்தது.  அது கடிக்காமல் இருக்கவேண்டும் என்ற அச்சத்தில்  “ நல்ல பாம்பு”  எனவில்லையோ?  அதைப்போல கவிழாமல் இருக்க அந்தக் கூரமாகிய இரும்பு “  நங்கூரம் “ ஆனது.  அறிவியல் மேம்பாடு அடைந்துவிட்ட இந்த நிலையிலும் :

நாளை நடப்பதை யாரறிவார்?  ஆதலின் நன்மை கருதிய கூரமே நங்கூரம் ஆகும். 

பிழைகள் தோன்றின் திருத்தம் பின்