ரஜினி Rajnikanth (21% support)

ரஜினி காந்தின் அரசியல் முயற்சி.

ஜெயலலிதா அம்மையார்  இருந்தபோதே  இவர்அரசியலில் புகப்போவதாகத் தாளிகைகள் எழுதிக்கொண்டிருந்தன.  ஆனால் அவர் புகவில்லை. புகாமையின் காரணங்கள் என்ன என்ன என்பது வரலாற்று ஆராய்ச்சி ஆகிவிடும். இப்போது புகுமுகமாய் இருக்கின்றார். மக்களாட்சி நடைமுறையில் பலரும் சென்று பங்குபற்றுவதென்பது ஒருவகையில் நல்லது என்றே சொல்லவேண்டும்.  யாருமே சென்று கலந்துகொள்ளாமல் வெளிநாட்டுக்கார்ர்களை வாடகைக்குக் கொண்டுவருமளவிற்கு உலகில் எந்த மாக்களாட்சியும் போய்விடக்கூடாது.   சேவை மனப்பான்மையுடன் நேரமும் திறனும் பக்கபலமும் உடையோர் கலந்துகொள்வதே  மக்களாட்சிக்குத்  தெம்பு  தரும். கலந்துகொள்வதா இல்லையா என்பதைக் கலந்துகொள்ளும் நிலையுடைய குடிமகனே தீர்மானிக்கவேண்டும்;  அக்குடிமகனை ஏற்பதா இல்லையா என்பதை மக்களே ( வாக்களிப்போரே) முடிவுசெய்யவேண்டும்.  இது மக்களாட்சியின் செயல்பாட்டு முறையாகும்.

ரஜினி கலந்துகொள்ள முடிவெடுத்தபின், அரசியல் களத்தில் அவருக்கு வரவேற்பில்லை என்று தாளிகைச் செய்திகள் பகர்கின்றன!  இலயோலா கல்லூரி மாணவர்கள் ஒரு கருத்துக்கணிப்பை  நடத்தினர்.. அதில் ரஜினிக்கு 21% தான் கிடைத்துள்ளது.  களத்திலுள்ள பிற அரசியல் சேவையினர்  இன்னும் அதிகம் பெற்றுள்ளனர்.  ஓபிஎஸ் ஸுக்கு  1% மட்டுமே கிடைத்துள்ளது.  ஆகவே அவர் ஈபிஎஸ்ஸுடன் இணைந்துவிட்டதே சரி என்று தோன்றுகிறது.

இந்த அரசியல் களத்தில்  எப்படி நிலவரம் இருக்கும் என்று பொறுத்திருந்து பார்க்கலாம்.  அரசியல் கட்சிகளுடன் கொஞ்சவேண்டியவர்கள் வாக்காளர்கள்.  கொஞ்சியபடியே நெஞ்சிருந்துவிட்டால் கோடையென்றாலும் குளிர்காலமாகுமா? 

An external software (virus) supplies unwanted dots on this post and other posts as well. If the post appears bad on your screen, please reload your browser.  We have corrected some.

மறுவாழ்வு வேண்டிய உரோகிங்க்யர்.

இலக்கம்  இரண்டினைம் பத்தா  யிரமே

கலக்க மடைந்தவுரோ  கிங்க்யர்----நிலமகன்று

ஓடினர்மி   யன்மாரி  னின்றும் உயர்வாழ்வு

கூடுமோ கோதில் உலகு.

பொருள்:

இலக்கம்:  இலட்சம்;   ஐம்பத்தாயிரம் -  ஐம்பதினாயிரம்;

உரோகிங்க்யர் -  முஸ்லீம் அகதிகள்.   

கோதில் - குற்றமில்லாத.  உயர்வாழ்வு -  இங்கு மறுவாழ்வு

எனக் கொள்க.

பல்வேறு மதத்தினர் வாழ் நாட்டில், உம்முடன் நானிருக்க மாட்டேன் என்று விலக்கிக்கொள்வது, பின்  விளைவுகளை ஏற்படுத்திவிடும். சமய நல்லிணக்கம்  கடைப்பிடித்தல் நன்று.  உரோகிங்க்யருக்கு  நம் நல்லெண்ணம் உரித்தாகுக.

இந்தியாவின் கிழக்கிலும்  உரோகிங்க்யர் பலர் ஊடுருவியுள்ளனர் என்று

அமைச்சர் ரிஜிஜு தெரிவித்துள்ளார்.  அவர்களுக்கும்  இடம் காணப்பபடுதல்

தேவையாகிறது.  ஐ.நா அகதிகள் அதிகாரிகளும் அறிவித்துள்ளனர். இதற்கான "விடிவு"  அங்க்சான்சுய்ச்சி அம்மையாரிடம்  உள்ளதாகத் தெரிகிறது.  மியன்மார் சென்றுள்ள தலைமையமைச்சர் மோடி மறைவாகப் பேச்சு நடத்துவார் என்று தெரிகிறது.

ரத்து : விவாகரத்து (maணவிலக்கு)

ரத்து என்ற எங்ஙனம்  புனைவுண்டது என்பதை முன்னர் விளக்கியுள்ளேன. அந்த விளக்கக் குறிப்பினைத் தேடிக்கொண்டிருப்பதைவிட, தலையிலிருந்து தரைப்பலகைக்கு  floorboard  நேரடியாகச் சிந்தனையை  இறக்கிவிடலாம்.

இறுதல் =  முடிதல்.

இறு + து(விகுதி) = இறு + அத்து (சாரியை)  + து,

=  இறு + அத்(து)  + து  = இறத்து.    முடிவு என்று பொருள்.

இச்சொல் இறு என்பதில் தோன்றியது என்பதற்கு இது போதுமானது. இங்கு அத்து என்ற சாரியை வந்ததா அல்லது   புணர்க்குங்கால் ஓர் அகரம் தோன்றிற்றா என்ற வழக்காடுதல் தேவையில்லை.

அஃது  இலக்கணமே குறிக்கோளாய் நிற்பார் மேற்கொள்க.

இப்போது மன்நிறைவின்பொருட்டு, இது போலும் து-விகுதி பெற்றமைந்த

வேறு சில சொற்களைக் காண்போம்.

வரு + து  =  வரத்து   (போக்குவரத்து). இங்கு முதனிலை ஈற்றில் நின்ற உகர உயிர் அகரமாகி புணர்ச்சியில் ஒரு தகர ஒற்றுப் பெற்று ( த் )  சொல் அமைந்த்து.

விழு > விழுது:    இங்கு விகுதி புணர, அப்புணர்ச்சியில் ஒற்றுக்கள் எவையும்

தோன்றிற்றில.

கை + து =  கைது   ( இங்கும் எழுத்தெதுவும் தோன்றவில்லை ).

குரு + து =  குருத்து.  (  த்  தோன்றியது ).

இங்கு குரு என்பது பகுதி.  இதனை:க்   குருகு, குருந்தம்,  குருப்பு, குரும்பை, குருளை,  குருள்தல் முதலியவற்றால் அறியலாம்.  குரு என்பதை வினையாகக் கண்டிலம்.  ஆதலின் அதை ஓர் உரிச்சொல் என்று கொள்ளுதல் வேண்டும்.

இதுகாறுங் கூறியவாற்றால்,  இறு > இறத்து போலும்  வடிவங் கொள்ளும் சொற்கள் உள என்பது பெறப்படும்.

இறத்து என்பது பின் அடைந்த திரிபுகளாவன:

இறத்து >  இரத்து  > ரத்து.(headless)

இறுதல் என்பது முடிதல் என்று பொருள்படும் ஆதலின், ரத்து என்பதும்

அப்பொருளையே அடைந்தது.

இதிலிருந்து  விவாகரத்து   (  மணவிலக்கு ) முதலிய கூட்டுச் சொற்கள் தோன்றின.

பிற்குறிப்பு:

விவாகம் என்பது முன்னரே விளக்கப்பட்ட சொல்: அதைச் சுருக்கமாக இவண் குறிப்பிடுவோம்.  வி = விழுமிய;  வா=  வாழ்க்கைக்கு ;  (ஆகும்) > ஆகம்: ஆகும் வழி.  ஆகு+ அம் = ஆகம்.   விவாகமானது இல்லற வாழ்வில் ஆடவர் பெண்டிரை இருத்தி விழுமிய வாழ்வினை ஆக்கும் ஓர் முக்கிய நிகழ்ச்சி ஆகும்,

விவா என்ற இலத்தீனும் தமிழிலிருந்து பெறப்பட்டது.