சைவ உணவு

சரிதானா சொல்வதெலாம் சாமீ நீங்கள்
சண்டையில்தான் பெரும்பாலோர் சாவார் என்றீர்.
அறியீரோ மாமிசமே ஆகும் தேகத்
தரிதான காப்புணவென் றயின்றார் பல்லோர்.

மாதமாறு மோதலின்றி வீரர் மாண்டார்
மாரடைப்புக் கூரலகால் மாநி லத்தில்!
சாதல்குறைத் தாதலுக்கே காய்கள் மிக்க‌ச்
சைவஉண விகத்தினிலே சரியென் பீரே.


tmdate

அரும்பொருள்

அயின்றார் ---  உண்டார்.
மாமிசம் ---- இறைச்சி .  
மா=   விலங்கு  .  மிசைதல்  = உண்ணுதல்.   ஆக   மா+மிசை +அம்  =  மாமிசம்.
இதில் ஐகாரம் கெட்டுப்  புணர்ந்தது.    "விலங்குணவு "

சந்தேகம், சந்தேகித்தல்

சந்தேகம், சந்தேகித்தல் முதலிய சொற்கள் நம்மிடை வழங்குவன.

இறுதி ~தேகம் என்பதில்  கவுக்குப் பதில் ஹவும் எழுதப்படுவதுண்டு.

இச்சொல்லின் தேகம் என்பது உடல் என்ற பொருளில் முன் ஈண்டு

விளக்கம்பெற்றது.

தேகம் , இதன் சொல்லமைப்புப் பொருள்: தேய்வது, திறனழிவது என்பது

 இவ்  வடிவில்  அது உடலென்றும் பொருள்படும்.

சந்தேகம் என்பதில் நம்புதலாகிய உணர்ச்சியின் தேய்வு குறிக்கப்படுகிறது.  சம் என்பது சேர்தல், கூடுதல்.  இதுவும் இங்கு

விளக்கப்பட்டுள்ளது.

எனவே  சந்தேகம் ‍  நம்பிக்கையின் தேய்வு .  .  தமிழ் மூலங்கொண்டு

புனைவுற்ற சொல்லாகும். நாட்டு மக்களிடையும் வழங்குவதால்,

இது தமிழில் தோன்றிப் பிறவிடங்கட்குத் தாவிய சொல் என்பது

தெரிகிறது. ஐயப்பாடு,  அயிர்ப்பு என்பன தமிழுக்குரிய சொற்கள். இலக்கிய வழக்கினவாகும்.

  

நில் > நிரு > நிரூ ரூ, ரூ‍ப்

நிரூபித்தல் என்ற சொல், இந்தோ ஐரோப்பிய மொழியில் இல்லை. ஆகவே அது தமிழே ஆகும். அது ஒரு திரிபுச்சொல். இப்போது எந்த‌
மொழியிலும் இடத்திலும் பெரும்பாலும் வழங்கினும், தமிழே ஆகும்.

இது பற்றிய எமது இடுகை அழிக்கப்பட்டது.  ஆகவே சுருக்கமாக‌
மீள்பதிவேற்றுவோம்.

நில் > நிரு.
லகர  ஒற்றில் முடியும் எச்சொல்லும் இறுதி ருகர‌மாதல் உண்டு.

நில் > நிரு > நிரூ.

வினையாக,  நிரூவித்தல்.  நிரூபித்தல்  ( வ ‍ ப வகைத் திரிபு) என்றாகும்.

அறிஞர் பிறரும் இதை விளக்கியுள்ளனர்.

உரு என்ற தமிழ் ரூ, ரூ‍ப்  என்று திரியும்.  தொடர்புடை சொல்.

note:

புரூவ் என்ற ஐரோப்பியச்சொல் காண்க. அதில் பு எடுபட்டால் மிச்சமுள்ளது ரூவ், அல்லது ரூப்.. இதை ஆய்ந்து ஏன் பு -வில் தொடங்கிற்று என்று காணவும்,