air asia flight climbed too fast and stalled,,,,,

Warning alarms in AirAsia flight QZ8501 were "screaming" as the pilots desperately tried to stabilise the plane just before it plunged into the Java Sea last month, a crash investigator said Wednesday.

The investigation into AF447 found that both technical and human error were to blame.

Full story refer to 

===Yahoo

என்னை நாடிவந்த குருவி

எங்கெங்கோ பறந்து சென்றாய் 
இரைதேடி  அலுத்துவிட்டாய் ;
இங்கிந்த அறைக்குள் உண்ண
இருக்குமோ எனவே எண்ணி 
பங்கொன்று விழைந்து வந்தாய் !
பணிவோடு பதுங்கி நின்றாய்!
தங்கென்றன் நண்பன் ஆக!
தருவேன் நான் சுவையாய் உண்ண.

அரிசியை  எடுத்தேன் கொண்டு 
அருகினில் இடுதல் முன்பே,,
பெருகிய நடுக்கம் யாதோ 
பேடிமை உடுக்கும் உள்ளம் 
உருகிய எனக்கே நீயும் 
ஒளிந்தனை  விரித்துக் காட்டிச் ,
சிறகினைப் பரப்பிக்  காற்றில் 
 பறந்திடல் முறையோ சொல்வாய்!.

பேடிமை -  அச்சம்;  உடுக்கும் -  அடைந்த; கொண்ட .  ஒளிந்தனை  ஆதலின் 
பேடிமை உள்ளம் விரித்துக் காட்டிப் பின் பற ந்தனை;  என்று இணைக்க. 

பொருள்மொழிக் காஞ்சித் துறை

புறப் பொருள் இலக்கணத்தில் ஏனைத் திணை துறைகளில் அடங்காதன சில, பொதுவியலில் கூறப்படும்.  அவற்றுள் ஒன்று "பொருள்மொழிக் காஞ்சி"
என்னும்  துறை ஆகும். இதற்கான கொளு வருமாறு:

"எரிந்து இலங்கும் சடைமுடி முனிவர்
புரிந்து கண்ட பொருள் மொழிந்தன்று."    பு.வெ .மா .

அறிஞர் ஆய்ந்துகண்டதனைப் புலவன் தன் பாடலில் கூறுவானாகில்,  அப்பாடல் பொருள்மொழிக் காஞ்சித் துறைப் பாற்படும். பொதுவியல் திணை.

தன்மூப்பாய் ஓடாமல் தக்கோர் உனக்குரைத்த
சொன்முயன் றன்பேதன்   சொந்தமாய் --- முன்கொண்டே 
இவ்வுலகு நீங்கும் இறுதிவரை நீவாழ்வாய்
செவ்விய வாழ்வதே சீர்.

இத்துறைக்கு யான்   தரும் பாடல் இது.

நம் அற நூல்களில் பலவும் இத்துறைப் பாடல்களைக் கொண்டுள்ளன.

கொளு :  விளக்க எடுத்துக்கொண்ட பொருளைச்  சுருக்கமாகத்  தன்னகத்துக் கொண்டிருக்கும் வரிகளைக் கொண்ட பாடல்.  a gist stanza.
மொழிந்தன்று:  மொழிந்தது.