சாமிக்குச் செய்தது கேசரி.

சாமிக்குச்  செய்தது கேசரி  -----  சீனிச்

சார்பினில் இனிக்கும் கேசரி!

நேமித்துத்  தந்தனர்  பேறிது ---- இதை

நித்தலும் கொள்வ தெடைதரும்.

இறைவன் தந்த  தென்பதால் ---  தீமை

ஏதும் கூடாமல் காப்பதால்,

குறைவாய்க் கொஞ்சம் உண்ணலாம் --- ஆத்தும

குதூக  லம் மகிழ்ந்  தெண்ணலாம். 

சீனியை  மிஞ்சிய இனிமையில் ---  இதைச்

செய்து முடித்தது  மடைப்பளி, 

மேனிலை ஏய்ந்ததும் எப்படி  --- அறிவார்

சீனியை ஆய்ந்தவர் காண்கிலம்.

சார்பினில் -  ( சீனி அதிகமான ) பாங்கினால்

நேமித்து -  எம்  ஏற்பாட்டினால் பூசை செய்து,

நித்தலும் -  தினமும்

கொள்வது - உண்பது

பேறிது -  பேறு இது : இது எம் பாக்கியம் என்றபடி.

மடைப்பளி,  மடைப்பள்ளி, கோயிலில் சமைக்கும் இடம்

மேனிலை ஏய்ந்தது ---  (சீனி) கூடிய  நிலையை அடைந்தது

அறிவார் சீனியை ஆய்ந்தவர் --- சீனி ஆய்வு செய்தவர்களுக்கே தெரியும்.

இவ்வளவு இனிப்பாக இருப்பது எப்படி என்பது தெரியவில்லை.  சீனைய

மிஞ்சிய இனிப்பாய் உள்ளது.

காண்கிலம் -  எமக்குத் தெரியவில்லை.

கேசரி என்ற சொல்:

கூழ் என்பது முன்பாதியில் உள்ள சொல்.  இன்னொரு பின்பாதிச் சொல்: சரி.

அதிகமாகக் கூழாகிவிடாதபடி,  சற்று இளகிய நிலையிலே  :" சரியாகச்" 

செய்யப்படுவது.   கூழ் என்ற சொல்,  

கூழ் வரகு என்பதில் கூழ் -   கேழ் ஆகிற்று. அதுபோலவே இங்கும் சொல் திரிந்துள்ளது.  கேழ்வரகு என்பது பின்னும் கேவர் என்ற் திரிந்து வழங்குகிறது.

 

அறிக மகிழ்க.

மெய்ப்பு பின்.

[இரண்டு எழுத்துப் பிறழ்வுகள் திருத்தம்

02032022 1126]

தனிக்குறிப்பு

==========================================================

இது தனிவாசிப்புக்காக எழுதப்பட்டாலும் கவனக்குறைவான்  வெளியோரும் வாசித்துவிட்டனர்.  ஆகவே இந்தப் பகுதி இங்கு கைவிடப்படுகிறது. அழிக்கப்படவில்லை.

ஆசிரியர்க்கு not for public - do not read

 பஞ்சமி

வலை -  வளை  தொடர்பு

சாம்பவன் - ஜம்பவான்

பணவழங்கி முன் பதற்ற உரையாடல்

 தவறான எண்களை அழுத்தி,  அதனால் பணவழங்கி  ( ATM  ) எந்திரம் உங்கள் தொடர்பு  அட்டையை விழுங்கிவிட்டால், அதனால் பதற்றம் அடைவோர் உண்டு. நீங்கள் ஒரு குற்றமும் அற்றவர்,  ஞாபகக் கோளாற்றினால் தவறான எண்களைப் பலமுறை அழுத்திவிட்டீர் என்பது அந்தப் பணவழங்கிக்குத் தெரிய வழியில்லை. என்னதான் செய்வதென்பதை அந்த இயந்திரங்களின் ஒரு புறத்திலே எழுதிவைத்திருப்பார்கள். அங்கும் தெரிந்துகொள்ளலாம்,  அறிந்தோரிடம் கேட்டும் தெரிந்துகொள்ளலாம். அதிக வயது ஆனவர்களுக்குத் தாம் இத்தகு தடுமாற்றங்கள் ஏற்படுகின்றன போலும்.

இதுதொடர்பாக, இங்கு இன்னொரு படமும் உள்ளது. கண்டு மகிழ்க; இதுபோலும் நிகழ்வுகளின்போது இளைஞர்கள் உதவலாம் என்பதை முன் இடுகையில் பரிந்துரைத்திருந்தோம்.

அந்த இன்னொரு படம் இங்கு:-

உந்துகள் நிறுத்திடத்துடன் இந்த இயந்திரங்கள் உள்ளபடியால் யாவர்க்கும் வசதியாய் உள்ளது.. மறுபுறம் கடைகள் உள்ளன.

தனிவாழ்வு முதியோர்க்கு உதவுங்கள்

 

பணம்பெறு இயந்திரத் தின்முனில் பற்பலர்

இணைந்தனர் உரைபரி மாறியே கவன்றனர்

இணக்கறு இலக்கமே அழுத்தியே அட்டையை

குணக்குற இழந்தவர் கூட்டமே காண்கவே.

அகவையும் மிகுதியே அடைந்வர் என்றிடில்

உகப்பொடும் அவர்க்குமே உதவிகள் செய்விரே

மகப்பெறு மணிநல மாண்பினும் தனிநிலை

இகத்தின ரெனவிருந் துழல்பவர் பலர்பலர்.

முனில் - முன்னில். ( தொகுத்தல் விகாரம்)

கவன்றனர் - துன்புற்றனர்

இணக்கறு - பொருத்தமற்ற, தவறான

அட்டை - இட்டுப் பணமெடுக்கும் அட்டை ATM card

குணக்குற - குழப்பமுற்று

இழந்தவர் கூட்டமே- இழந்தவர் பின்னால் கூடிய கூட்டம்

அகவை -வயது

உகப்பு - விருப்பம்.

மகப்பெறு மணிநலம் - மக்களைப் பெற்ற பேறு உடைமை

மாண்பு - சிறப்பு

தனிநிலை இகத்தினர் - இவ்வுலகில் தனியாக வாழ்பவர்