தமிழும் திரிசொற்களும்

திரிசொற்களே இல்லாத மொழி உலகில் எங்காவது
வழங்குகிறதா என்று தேடிப்பார்க்கவேண்டும்.

தமிழைப் பொறுத்தவரை, தமிழில் இயற்சொற்களும்
திரிசொற்களும் ஏற்றுக்கொள்ளப்பட்டுள்ளன.
திரிசொற்களே வேண்டாமென்று சொல்வதானால்
மொழியில் பாதியை வேண்டாமென்று விலக்கி
வைத்தது போலாகிவிடும். மொழியில் இயல்பான
 இயக்கம் பாதிக்கப் பட்டு பொருளறிவித்தலில்
தடைகள் ஏற்படலாம்.

ஒரு பொருள் குறித்த வேறு சொல் ஆகியும் வேறு பொருள் குறித்த ஒரு சொல் ஆகியும் இரு பாற்று என்ப திரிசொல் கிளவி.	3
செந்தமிழ் சேர்ந்த பன்னிரு நிலத்தும் தம் குறிப்பினவே திசைச்சொல் கிளவி.	4

(தொல். சொல்லதிகாரம். எச்சவியல் )

இயற்சொல் என்பது :  சொல்லமைப்புப் பொருளும்
வழக்கில் உ:ள்ள பொருளும் வேறுபடாமல்
இருந்தாலே அது இயற்சொல். வழக்கில் அதன்
பொருள் திரிந்துவிட்டாலோ சொல்
திரிந்துவிட்டாலோ அது இயற்சொல் ஆகாது.
அது திரிசொல்.

தேவடியாள் என்பது கடவுளின் அடியவள் என்று
பொருளுடையது.  ஆனால் வழக்கிலும் அதே
பொருளானால் இயற்சொல். இல்லையானால்
திரிசொல். வழக்கில் அது விலைமகள் என்று
பொருள்தருகிறது. ஆகவே அது திரிசொல்.


நீங்கள் ஒரு குறிப்புப் புத்தகம் தொடங்கி,
பல தலைப்புகளில் சொற்களைச் சேகரித்துக்
கொள்ளுங்கள். பின்னர் அவற்றை
மறுபார்வை செய்து, ஓரிரண்டு
தெரிவியல்களையாவது கண்டு
விளக்கலாம். இந்திய மொழிகளில் ஐரோப்பியச்
சொற்களுடன் ஒலியொற்றுமையுடைய
சொற்களைக் கண்டு,  இவற்றைக்
கொண்டு: ஆரியர்கள் இந்தியாவிற்குள்
நுழைந்தனர் என்ற கொள்கையை உருவாக்கியது
போல நீங்களும் சில தெரிவியல்களை
உருவாக்கலாம்.

உங்கள் தெரிவியல்களை உலகம் ஏற்காமற்
 போய்விட்டால் அதனால் நட்டமொன்றுமில்லை.
உங்கள் வேலையினால் உங்களுக்கு ஏற்பட்ட
வெற்றி உங்களுக்கு மனமகிழ்ச்சியை
அளிக்கும்.  அதுவே பொன்னாகும்.

இன்று சில மெய்கள் மறைந்தனவால்
திரிந்துவிட்ட சொற்களை
ஒரு சிறு பட்டியலில் அமைத்துமகிழ்வோம்.

இவை பெரும்பாலும் சொல்லுரு மாற்றம்.
பொருள்திரிபு உள்ளவையும் இருக்கலாம்.

வாழ்த்தியம் >  வாத்தியம்.
தாழ்மதி >  தாமதி.
தாழ்வணி >  தாவணி.
கேழ்வரகு > கேவர்
வாழ்க்கைப்படு > வாக்கப்படு!
பெய்தி > பேதி.  ( மலம் ஓழுங்குடன் கழிக்காமல்
நீராய்  எருவாயாற் பெய்தல்)
செய்தி > சேதி.
தேய்கம் > தேகம் (  தேய்ந்தழியும் உடல்)
செய்வை> சேவை.
உய்த்தி > உத்தி.
வாய்த்தி > வாத்தியார்.  ( வாய்ப்பாடம் சொல்பவர்)
வேய்சி > வேசி.   ( அணிகளும் உடையும்
வேய்ந்து  மயக்குபவள்)
தாய்தி > தாதி.
ஓய்சனை> ஓசனை > யோசனை.
( ஓய்ந்து சிந்தித்தல்)
செய்வகன் > சேவகன்.
வாய்ந்தி > வாந்தி.  ( வாய்மூலம் திரும்பி
வருதல்)
வேய்ந்தன் > வேந்தன்.
சாய்க்கடை >  சாக்கடை.
தாழ்ப்பாள் > தாப்பாள்
சாய்த்தியம் > சாத்தியம்
( வெற்றிகரமாய்ச் சாய்த்தல்)
சேர்மி > சேர்மித்தல் > சேமித்தல்.
நேர்மி > நேர்மித்தல் > நேமித்தல்.  ( நியமித்தல் வேறு)
தீர்வு > தீவு ( நீரால் தீரச் சூழப்பட்ட நிலம்)
பாழ்: > பாழ்வு> பாழ்வம் > பாவம்



இன்னும் :

விழுபூசி > விபூதி.  (விழுமிய பூசுதல்)  த-ச போலி
விழுபற்று >  விபத்து.
( வீழ்ச்சி பற்றுதல் அல்லது அடைதல்)

எம் இடுகைகளிலிருந்து கிடைப்பன இன்னும் பல.

மொழியில் துணைவினைகள்:

ஒரு மலையாளி இன்னொருவருவருடன் மலையாள மொழியில் உரையாடிக் கொண்டிருந்தார்.  அப்போது முதலாமவர்  ஓடிக்களை என்றார். இரண்டாமவர் இந்தச் சொல்லைப் பிடித்துக்கொண்டு: ஓடாம். பின்ன களையின்னது எங்ஙன என்றார்.  இதற்கு என்ன பொருளென்றால்:  ஓடலாம்; எப்படி வீசுவது ? என்பதுதான்.

களை என்றால் வீசுவது, எறிவது என்று பொருள். இந்தச் சொல் தமிழிலும் வழங்குவதுதான்.  ஆனால் வாக்கியத்தில் இப்படிப் பயன்படுத்துவதில்லை.

அரசியலில் அநாகரிகத்தைக் களைந்திடுவோம் என்று ஒரு சொற்பொழிவாளர் பேசுவார்.   ஒரு வேண்டாத செய்கையாளனைக் குறிப்பிட்டு:  இதுபோன்ற புல்லுருவிகளைக் களையெடுக்கவேண்டும் என்பார்.  வயலில் களைக்கொட்டு ஒடிஞ்சி மெனக்கெட்டுப் போச்சு என்பார் ஒருவர் . களை என்ற சொல்லும் அவ்வப்போது பயன்பாட்டி;ல் வருவதுதான்.

ஆனால் ஓடிக்களை என்பதில் களை என்பது வீசி எறிவது என்பது பொருளன்று.  ஓடுகின்ற செயலை விரைவாகச் செய்து முடித்துவிடு என்று பொருள்.  ஓடிக்கொண்டிரு என்பதற்கு எதிரான வினைவகை அதுவாகும்.

களை என்பதுபோலும் சொற்கள் வினைமுற்றுக்களில் துணைவினையாக வருகின்றன.

ஓடிவிடு; என்று சொல்லும்போது விடு என்பதற்குத் தனிப்பொருள் இல்லை.

அது ஓடுகின்ற செயலை விரைந்து முற்றுப்பெறும்படி செய் என்று பொருள்தரும்.

எனவே அது ஒரு துணைவினையாக வந்து ஓடிவிடு என்ற வினைமுற்றின் ஆற்றலை மிகுத்து முடித்துவைக்கிறது.

செய்திடுவோம்.  பாடிடுவோம் கூடிடுவோம் என்பவற்றில் இடு என்பதும் ஒரு துணைவினையே.

சென்றொழி,   வந்தொழி,  கண்டொழி என்று பண்டை நாட்களில் பேசும் பழக்கம் இருந்திருக்கிறது.  இவற்றுக்கு: சென்றுவிடு, வந்துவிடு. கண்டுவிடு என்று இக்காலத்தில் பொருள்கொள்ளவேண்டும்.  ஒழித்தல். விடுதல் என்பன துணைவினைகளே.  பெரும்பாலும் தனிப்பொருள் இல்லை.

பொருட்சிறப்பு இருக்குமாயின் இவைபோலும் துணைவினைகட்குத் தனிப்பொருள் தரலாம்.

ஓடிக்களை என்பதில் எதைக் களைவது என்று கேட்டுவிட்டால் அதிலும் ஓர் இடர் பிறந்துவிடுகிறது.

அறிந்து மகிழ்வீர்.

தகனம்.

தகனம் என்ற சொல்லின் அமைப்பைத் தெரிந்துகொள்வோம்.

தகத்தக என்பது எரிதல் ஒளிவீசுதல் என்பவற்றின் குறிப்பு.

தக என்பதனோடு அனல் என்பதையும் எடுத்துக்கொள்க.

அனல் என்பதில் அன என்பதை எடுத்துக்கொண்டால்:

தக+ அன.=  தகன என்றாகும்.

அம் விகுதி புணர்த்துக.

தகனம் ஆகிறது.                   

இது ஒரு புனைவுச்சொல் ஆகும்.

இதை அழகாகவே புனைந்துள்ளனர்  பண்டையர்.