eyes and flowers அவள் கண்கள்

மலர்காணின் மையாத்தி  நெஞ்சே இவள்கண்
பலர்காணும் பூவொக்கு மென்று

என்பதோர் அழகிய குறள்.

மலர் காணின் -   நீ மலரைப் பார்த்தால்;
மையாத்தி -    மயங்கி நிற்காதே!
நெஞ்சே  -  என் நெஞ்சமே!  (இப்போது காதலன் தன் நெஞ்சிடம் பேசிக்கொண்டிருக்கிறான்)

இவள்கண் -   என் காதலியாகிய இவள்  கண்கள்;
பலர் காணும் -  பலரும் கண்டு பார்வையால் சுவைக்கும்;
பூ ஒக்கும் என்று -  மலர்வனத்தில் உள்ள பூவிற்கு இணையானது என்று.

அவள் கண்கள் யாவரும் கண்டு களித்தற்கு உரியவை அல்ல!
அவனுக்கே உரியவை.  அவன்மட்டும் கண்டு சுவைப்பான்!  ஆகவே செடியிலுள்ள மலர்கள் அவள் கண்களுக்கு எப்படி இணையாக முடியும்.

ஆகவே ஒப்புமை சொல்லலாம்;  அது உருவொற்றுமை;  அதனின் மிக்க பொருத்தமொன்றுமில்லை.  இவள் கண்கள்  நாளை வாடிப் போவன அல்ல .

Divorce in a minute......

முகத்திரையை விலக்கியதும் 
மூண்டதுவே மருட்சி`!
அகத்தில் நான் கண்டு விரும்பியவள் 
நீ அல்ல;  நீ அல்ல!

முறியட்டும் இந்த மண உறவு !
அறியட்டும் இந்த உலகு!
நிமிடம் கழியுமுன் விலகு !


http://nymag.com/thecut/2014/11/saudi-man-divorces-wife-after-he-sees-her-face.html?mid=toolab_cut_feed_macro:Saudi+Man+Divorces+Wife+Minutes+After+He+Sees+Her+Face


பெண்ணுக்கு ஒரு மனம் உண்டு; 
என்ன பாடு படும்  அதுவென்று 
நினைத்துப் பார்க்கவும் இல்லையே!

பெண்  ஓர்  அழகுப் போகப் பொருள்தானா?

விரட்டினாலும் கேட்கவில்லை.

அடுத்த வீட்டு  நாய்தான்!  --- என்னுடன் 
அன்பும் பாசமும் உள்ள நாய்  ---  நான் 
 எடுத்து  வைத்த ஒவ்வோர்  அடியைபும் ---- அளவில் 
ஏறிய கவனத்துடன் கண்காணித்துக்கொண்டு ---- நடந்து 
தொடுத்த பாதையில் தொடர்ந்ததே!---- நான் 
துவளாமல் இரு கல் தொலைவு சென்று :


நீருக்கும் மின்சாரத்துக்கும் காசு கட்டி --- கொஞ்சம் 
நேரம் சென்றதும் நேராக வெளிவந்தேன் ;
யாருக்கும் தெரியாமல்,  வெளியில் நின்ற நாய் 
யாதோர்  ஒலியும் செய்யாமல் 

காணாமல் போனதுதான் கவலை 
காலையில் எழுந்து  
வேலைக்குச் செல்வோரைப் பார்த்துக் குலைக்க 
நாளைக்கு அந்த நாய்  இருக்காதோ!

வண்டி ஒட்டிக்கொண்டு போயிருந்தால் --  இத்தகைய 
வம்பொன்றும் வந்திருக்காதே!

ஒரு கல்லில் இரு மாங்காய்  என்றபடி 
உடற்பயிற்சியும் வேண்டும் ,
ஒரு வேலையும் நடக்கவேண்டும்  என்று நினைத்தால் 
பாவம் நாய் தொலைந்துவிட்டதே! 

என்னுடன் வராதே என்று விரட்டினாலும் 
கேட்கவில்லை......... என் செய்வது !

சாப்பாடு எங்கேயும் கிடைத்ததோ .என்னவோ.....