தும்பை : தானை மறம்

தும்பைத்  திணையில்  புலவர்  ஒரு வேந்தனின் படைப்பலத்தைப்  புகழ்ந்துரைப்பார்.  அதே பாடலில் பகை அரசானது வலிமையின்மைக்கும் அவனை நோக்கி வந்துகொண்டிருக்கும் தோல்விக்கும் அதனால் ஏற்படும்  கேட்டிற்கும் மனம் .இரங்குவார்  .

இதைக் கூறும் துறைக்குத்  "தானைமறம் "  என்று குறிப்பர் இலக்கணியர்.

(தன்னிகர் இல்லாத் தானை மறமே )
வேற்றானை மறங்கூறி 
மாற்றார் அழிபு  இரங்கினும்
ஆற்றின் உணரின்
அத்துறை  ஆகும். 
(ஓம்படுத்த உயர்பு கூறின்று.)  

இது கொளு. பிறைக்கோட்டினுள் உள்ளவை வேறு பாடலின்று தருவிக்கப் பட்டவை.

உயர்பு மட்டும் கூறினும் துறை அதுவாம்.

உருள் பெருந்தேர் ! வெல்லும் குதிரைகள்!  தலை சிறந்த மத யானைகள்!  வீரமிக்க மன்னனும் படை வீரர்களும்.  இந்தப் படையை வெல்ல வேறு உண்டோ  என்று பாடினால் .........தும்பைத் திணை ; தானை மறம் என்னும் துறை.

இப்பொருள் பற்றிய புறப் பாடல் வரின் கண்டின்புறுக. 

வருது வருது விரைவுத் தொடர்வண்டி

இந்தக்== காலத்தில் வரப்போகும்  தொடர்வண்டிகள்
எந்த=== ஓசையும்  இலாது படர்வண்டிகள்!
உந்தம்=== காதிற்கே ளாதினி சிக்குப்புக்கு.
ஓடும்=== பாதைகேள் வழக்கம்போல் வடக்குத்தெற்கு.

கோலாலம் பூர்முதல் நூசா ஜெயா‍‍=== செல்லும்
கோலஞ்சேர் சிங்கப்பூர்,   காசும் தயார்!
ஏலாத உந்துகள் நெருக்கடி தீர் ‍‍=== பயன்
ஏற்றிடும் ஒருதிட்டம் வந்திடப் பார்!

உந்துகள் நெருக்கடி  :  traffic jams and other woes.
நூசா ஜெயா‍‍ :  A place in Johor Bahru, in the  new Iskandar Project.
 காசும் தயார்!  =  the funds for the project is ready,  I suppose.

லகரம் னகரமாய் ...........

பல சொற்களில் லகரம் னகரமாய் மாறியிருத்தலை யாம் பல இடுகைகளில் சுட்டிக்காட்டியுள்ளோம். அறிஞர் பிறரும் எடுத்துக்காட்டியுள்ளனர்.

எடுத்துக்காட்டு:

கல் >  (கன்) > கனம். (கல் கனமானது).
கல்லுதல்  தோண்டுதல்.
கல் > கன் > கன்னம் > கன்னக்கோல். 

பேச்சு வழக்கில் நல்லா என்பது நன்னா என்று வருகிறது என்பது நீங்கள்
அறிந்தது

அன் விகுதிக்கு முந்தியது அல். பல சொற்களில் இன்னும் அல் விகுதி காணப்படுகிறது:

வள்ளல் ‍;  இளவல்.  தோன்றல் (தலைவன் என்ற பொருள்).

நல் என்பதன் அடிப்பிறந்த நன் > நன்னா என்பதை மேலே  குறித்துள்ளேன்.

நல் என்பது ந என்று குறையும்.

நப்பிள்ளையார், நச்செள்ளையார் என்ற சங்கப் புலவர்களின் பெயர்களில்  வரும்  ந என்பது நல் என்பதன் கடைக்குறை.

அதனிலும் இது பெரிது, அதனினும் இது பெரிது என்பனவற்றில் 
லகரத்திற்கு ன்கரம் ஈடாக நிற்றல் அறிக.

எனில்  > எனின் .

இதனாலே < இதனானே.