புதல்வன்

 மகன், மகள், மக்கள் என்று ஒருமை (ஆண்)- ஒருமை (பெண்) -  பன்மை ( இரு பாலாரும்) என இருந்தாலும் புதல்வன்,  புதல்வி ,புதல்வர் என ஆண்பால் பெண் பால் பலர்பாலாகவே இந்த அமைவுகள் வருகின்ற -ன.  குழந்தை, பிள்ளை மதலை, மழலை முதலிய சொற்கள் ஐ விகுதி பெற்று  முடிகின்றன. பொதுப்பால் என்ற பகுப்பினை நூல்களில் காணா விட்டாலும் இவை வெவ்வேறு கூ றுபாடுகள் உடைய பொதுச்சொற்கள் தாம். இவற்றிடையே பகவொற்றுமை  ( uniformity) காணலாம். 

புதிய வரவாக வந்த குழந்தைதான் புதல் வன் அல்லது புதல்வி எனப்பட்டது. புதுமை குறிக்க புது என்ற சொல் இருப்பதைக் கண்டுகொள்க.  

அல் எனல் அது  இடம் எனலே.

இன்னொரு முறையில் கூறுவதானால் இல் எ ன்பது இந்த இடம்,  அல் என்பது அந்த இடம். இடம் இது என்பது இல். இடம் அது என்பது  அல். இடம் முன் என்பது உல்.

ஆகவே இல் என்பது இது என்று சுருக்கிக் கூ  றலாம். இல் - வீடு மற்  றொரு  பொருள் 

புதல்வன் என்ற சொல்லை புது + அல் +வு + அன் என்று பிரிக்க வேண்டும். புது அல் வு இ என்பதும் இதனாலே பெறப்படும். புதல்வர் - அர் விகுதி. இதன்  அடி "புது" என்பதறிந்தீர்.

புகு என்னும் சொல்லும் புது என்பதுடன் தொடர்புடையதே என்க. புதியன புகுதல் என்னும் வழக்கினையும் காண்க

அறிக மகிழ்க.

மெய்ப்பு பின்னர்.

பகிர்ந்துகொள்க. வணக்கம்.

சொல்லாக்கத்தில் கருத்தொற்றுமை - வயது, அகவை - Tamil, Sanskrit

தமிழிலும் சமஸ்கிருதத்திலும் உள்ள ஆக்கப்பட்ட சொற்களில் உருவாக்கல் நிலையில் காணப்படும் கருத்தொற்றுமைகளை ஆங்காங்கு சுட்டிக்காட்டியுள்ளோம்.  சிலவேளைகளில்  வெளிப்படையாகக் காரணம் கூறவில்லை. வேறுசில இடங்களில் கூறியுள்ளோம்.  இப்போது இன்னொரு முறை இங்குக் கூறுகிறோம்.  சொல்லாக்கத்தில் கருத்தொற்றுமை என்று ஒரு நூலே எழுதலாம்.  எழுதிவைத்ததைப் படித்து அறிவு பெறுதலோ அல்லது எதிர்த்து நிற்றலோ  பலரும் ஈடுபடாத ஒரு துறையாகும். சில கட்டங்களிலும் பொருட்களிலும் எதிர்த்து நிற்றல் முதலியவை,  தாமே உருவாகி வந்தவை அல்ல. 

பரப்புடரைகளினால்  கவரப்பட்டவர்கள்  உள்ளுந்துலால  மேற்கொண்ட நடவடிக்கைகளே  ஆகும்.

அகப்பட்டுக்கொள்வது  அகவை.  வயப்பட்டு மூப்பதும் மாய்வதும் வயது.   அகவை என்பதில் வை என்பதும் விகுதி.  அகம் என்பது  உள்ளமைவு குறிக்கும் பகுதி  அல்லது பகவு ஆகும். இந்த இரு கருத்துக்களிலும் ஒற்றுமை காணப்படுகிறேதே! இவ்வாறு ஒன்றிரண்டு ஒன்ற்றுமைகள் மட்டும் இருந்திருந்தால் இரண்டு மொழிகளும் ஒரு களத்தில் தோன்றியவை என்று கூறமுடியாது.  ஆனால் பலகாலும் இவ்வொறறுமை மேலெழுந்து வருகிறது என்றால் இரண்டு மொழிகளும் ஒரு களத்தினரால் உருவாக்கப்பட்டவை என்று முடிபு கொள்ளுதல் எளிதானதே.

நீங்கள் இங்குக் கூறப்பட்ட கருத்துக்களைத் தொகுத்தாக்கி, இதை ( ஒற்றுமைக் காட்சியை )  வெளிக்கொண்டு வந்து மக்கள் பயனுறச் செய்யலாம்.

வயப்பட்டவன் அவன் வயப்பட்ட இடத்தில் அகப்பட்டுக் கொள்கிறான்.  வயது அப்படிப்பட்டதுதான்.  காலக் கடப்பில் நாம் மாட்டிக்கொள்கிறோம்.  வயதை வென்றவனும்  அகவையை வென்றவனும் எவனும் உலகில் இல்லை. எல்லோரும் நேரம் வரும்போது காலமாகி மறைந்துவிடுகிறார்கள்.

அகவையும் வயதும் எல்லா உயிரற்றவைக்கும் உயிருள்ளவைக்கும் பொதுவான கருத்துக்களன் ஆகும்

நம் முடிபு  தமிழும் சமஸ்கிருதமும் ஒரு களத்தில் தோன்றியவை ஆகும்.

இதனை ஒரு மொழிநூற் கருத்தாகவும் சொன்னூல் ஆய்வாகவும் முன் வைக்கிறோம்.

அறிக மகி

அறிக மகிழ்க.

மெய்ப்பு பின்.

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

தர்சனம், தரிசனம், தர்சனை,

 தெரிதல் என்பது தனித்தமிழ்ச் சொல்..  இதற்கும் தெள்> தெர்> தெரிதல் என்ற சொல்லுக்கும்  பிறப்பியல் தொடர்பு  உள்ளது.   தெள்>  தெர் என்றும் மாறும்.  இந்த ளகர ரகர மாற்றீடுகளில்  கவனிக்கவேண்டிய முக்கியமான பழைய சொற்களில் ஒன்றுதான்  மடி - மரி என்ற  மாற்றீடு ஆகும்,   டி என்பது ரி என்று மாறிற்று. இலக்கியம் கண்டதற்கு இலக்கணம் இயம்புதல் என்பதுதான் மொழி  நூல் விதியாகும்.  இதுவும் நம் பண்டை உரையாசியரால் பலமுறை விளக்கப்பட்டதே  ஆகும். இதை நீங்கள் தேடிக் கண்டுபிடித்துக் கட்டுரையாக வெளியிடுங்கள்.  அல்லது நூலாக்கிப் புகழ்பெறுங்கள்.

மாள் > மடி > மரி என்பனவும் தொடர்புடைய சொற்களே. இதன் அடிச்சொல் மள் என்பதாகும்.  இது குறைதல் குறிக்கும் சொல்.  மடிதலினால் ( மடியாமல் ) இருக்கும்  தொகை குறைவு படுகிறது..  மடிதல் என்பது நிகழ்வாகவும் குறைதல் என்பது மடிதலின் விளைவாகவும் கொள்ளத்தக்கவை.  பண்டை மனிதன் வேட்டையின் போது பத்து முயல்களில் நான்கைப் பிடித்துவிட்டால், மீதமிருபது குறைவுதான்.  பண்டை மனிதன் இவ்வாறே தொடர்பினை அறிந்துகொண்டான்.  இதன்மூலம்  மள்> மாள் என்பதன் தொடர்பினை அறிந்துகொள்ளுங்கள்.

மள் > மளிகை:  பெரும்பாலும் உயிரற்ற அல்லது காய்தலுற்ற பொருட்களை விற்றுத் தொழில் செய்வதுதான் மளிகைக் கடை.  மளிகாரம் என்பது காய்ந்த ஒரு மருந்துப்பொருள். ( பொராக்ஸ் borax ). நீரிருந்து காய்ந்த இடங்களில் கிடைப்பதும்  ( நீர்குறைதற் பயனால் கிட்டுவது) மற்றும் பூச்சிக்கொல்லக் கூடியதுமாகும். வெண்காரம்  என்பதும் இதுவே. பூச்சிகள் குறைவுக்கு உதவுவது.

குறைவதும் கூடுவதும் ஒரு நிலைக்களனில் தோன்றும் கருத்துகள்  ஆகும். பத்து முயல்களில் இரண்டு இறந்துவிட்டால் அல்லது அவற்றை உண்டுவிட்டால்,  இறந்தவையை நோக்க இருப்பவை எட்டு,  ஆகவே கூடுதல் ஆகும். பெரும்பாலும் உடற்பலம் அல்லது வலிமை என்பது இவ்வாறுதான் வலியவர்களைச் சுட்டும் கருத்தாகிற்று.  மள்ளர் என்பவர்கள் உடல்வலிமைக் குரிய வேலைகளில் ஈடுபட்டவர்கள். பள்ளம் தோண்டுவதும் வலிமையற்றோரால் இயலாதது  ஆகும். ஆகவே மள்ளர் என்பது உடல்வலியோர் என்றானது இவ்வாறுதான்.

இவை ளகர ரகர மாற்றீட்டை விளக்க எழுதப்பட்டன.  

தெள் > தெளி> தெரி.  இதிலிருந்து தெரிதல் வினை வந்தது . தெரி > தெரிசு> தெரிசு அன் அம் >  தெரிசனம் ஆகும்.  அன் > அண் தொடர்புள்ளவை. இவற்றை முன்வந்த இடுகைகளில் விளக்கியுள்ளோம்.  எடுத்துக்காட்டு: அன் > அன்பு, (அணுக்கம்).  அண்> அணுக்கம்.  அன்= அண். ( இதன் தொடர்பில்).

தெரி என்பது தரி என்று வந்தது திரிபு.  தெரிசனம் > தரிசனம்.  இது தரிசனம் என்றுமாகும். தர்ஷன் என்பது இதனின்று வந்த திரிபு.  தெய்வக்காட்சியைக் குறிப்பது இச்சொல்.

தெரிசனம் என்பது  தர்சனை என்றும் வரும்.

இனி வேறொரு விளக்கத்தில் தொடர்புற்ற பிற விளக்குவோம்.

அறிக மகிழ்க.

மெய்ப்பு பின்.

If you enter compose mode please do not make changes.

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்த சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

You may share this post with others through any social media. Copyright is waived for this post.