குறு என்னும் அடிச்சொல்லும் சிலுவையும்

 குரோதித்தல் என்ற வினைக்கு  வேறு பொருள் கூறப்பட்டாலும் அப்பொருள் வந்த விதத்தை யாம் முன்னர் எழுதியுள்ளோம்,  இப்போது குறு  ( குறுமை) என்ற சொல்லுடன் தொடர்புபடுத்தி அந்தப் பொருள் வராவிட்டாலும் பொருந்தும் ஒரு பொருள் வருகிறதா என்று ஆய்வு செய்வோம்,

குறு -  இது குறுமை, குறுக்கம், குறுக்கு முதலியவற்றின் அடிச்சொல்.  குறுதொழில்கள் என்பதில் அடையாக வரும் சொல்.

குறுக்கை என்றொரு சொல் தேவநேயனாரால் படைக்கப்பட்டது.  அது சிலுவை என்ற சொல்லுக்கு ஈடாக அவரால் பயன்படுத்திக்கொள்ளப்பட்டது. 

சிலுவை என்ற சொல் குறுக்குச் சட்டத்தில் தொங்கும் தண்டனையைக் குறிக்கமால்  சில் =  சிறிய,  உ= முன்,  வை = வைத்தல்,  ஆகவே சிறிய ஒரு மரத்தில் முன் வைத்தல் என்று பொருள்படுகிறது. மரத்தில் என்ற சொல் முன் வைத்தே  (கூட்டியே)  பொருள்கூறவேண்டும்.

சிலு என்பது பதனழிதல் என்பததைக் காட்டும் சொல்.  பெரும்பாணாற்றுப் படையின் உரையிலிருந்து இப்பொருளைக் காட்டுகிறார்கள்.  ஆனால் சில் முன் கூறியபடி சிறுமை குறுக்கும் அடிச்சொல். 

Nothing be fruits

 To think of nothing

If it gives the peace

Reckon that as something

Like fruits in the garden trees

மேதாவிலாசம் என்ற பதம்

 மேதாவி என்பது முதலாவதாக அஃறிணைகளுள் பல்திறங் கொண்டவற்றை குறித்த சொல்லா அல்லது மனிதருள் கல்விமேன்மை உடையோரைக் குறித்ததா என்பதை இப்போது கூறுதல் எளிதன்று.   இச்சொல் கிளியையும் குறிக்கிறது.  கிளிகள் அவற்றை வளர்ப்போரை அசத்தும் அளவிற்கு அறிவுத்திறம் காட்டியதாலே இச்சொல் அவற்றையும் குறித்ததென்று கூறற்கு உரிய அடிப்படை உள்ளது. பேசும் கிளிகளைக் கண்டு இதனை அறியலாம். கடினமான சீனமொழியையும் அவை நன்றாகப் பேசுகின்றன. எம் வீட்டின் பலகணி வழியாக சாலையின் மறு புறத்தில் உள்ள ஒரு கிளி யாம் உணவு கொள்வதை அறிந்து பலமான ஒலி எழுப்பி ஐயா ஐயா என்று அழைப்பது உண்மையில் வியப்பை வரவழைக்கிறது.

மேலே தாவுதல் என்பது,  நாம் ஒன்றைக் கண்டுகொள்ளுமுன்,  கிளி அதை எதிர்பார்த்துக் கண்டு சொல்லிவிடுகிறது என்பதைக் குறிக்கும்  மனிதன் இப்படி அறிந்துகொள்ளும் திறம் உடையவன்.  அதனால் அவ்வாறு திறனுள்ள மனிதனையும் அது குறிக்கும்.

மேல் தாவுதல் >  மே தாவு இ >  மேதாவி என்பது பொருந்துகிறது.

விபுதர் என்பது விழுமிய புலத்தினால் தருபவர் என்பது. ( குறுக்கச்சொல்). தற்கால வெளியீடுகளில் வராத சொல் இது.  புலம் என்பது கண் செவி முதலான பொறிகளால் பெற்றறிதல்.

மேலானவற்றையே தருகின்ற விற்பன்னரையும் அது குறிக்கும்.  இயல்பான பொருண்மைகளைத் தவிர்த்து எப்போதும் உயர்கருத்தையே முன் வைக்கும் பழக்கம் உடையர் என்ற பொருளில்,  மே -  மேலானவற்றை, தா -  தருகின்ற, வி- விற்பன்னர் என்ற பொருளும் இதிற் பொருந்துகிறத்.  விற்பன்னர், விரிப்பவர், விள்ளுவார் என்பவை மூன்றும் இயைவன ஆகும்.

வில் :  வில்போலும் குறிபார்த்துச் சொல் விட்டு,

பன்னர் -  பன்னுபவர், பலகாலும் வலியுறுத்துபவர்.

பன்னுதல் என்பது: பல் - பன்: பலமுறை சொல்வது.

பல்லிலும் பட்டு வெளிவருவதே சொல். பல் இல்லையானால் பேச்சு,   பிறழ்ச்சி அடையும்.  பல்> பன் என்பது லகர னகரத் திரிபு.  பிறமொழிகளும் இத்தகைய திரிபுகளை உடையன.  பழைய இடுகைகளில் இவை உள்ளபடியால் இங்கு  கூறப்படவில்லை.  கூறின் பன்முறை சொல்லி  அலுப்பை எழுப்புவதாக அன்பர்கள் எழுதிக் கடிவதால்,  கூறியவை கூறல் விடுத்துவிட்டோம்.

மேயவை தருதல்,  விடுபவர் என்றும் பொருள்.  மேயவை தாரா விடுபாடு என்பதும் மே- தா - வி  என்றாகும்.. இது பழிப்புரை பாற்படும்.

மேவுதல் மென்மேல் உரைத்தலுமாகும்.

வில ஆயது  அம்:  விலக்கவேண்டியன விலக்கி, ஆவன இணைத்து,  அமைத்தல். வில ஆய அம் >  வில ஆச அம்>  விலாசம்.   யகரம் சகரமாகும், இது திரிபு நெறி. இவற்றை அறியாதார் பலருள்ளனர்.

விள் ஆசு -  சொல்லப் பற்றுவன என்று பொருள்.  விளாசு. விளாசுதல்.

அறிக மகிழ்க

மெய்ப்பு பின்னர்.

 

 

கந்தலாயினும் கசக்கிக் கட்டு - கந்தல்

 கந்தல் என்ற சொல்லினை அறிவோம்.

இப்போது பன்னாட்டிலும் மக்களின் வாழ்க்கை மேம்பட்டு அரசுகள் திறம்படச் செயல்படுவதனால்  கந்தல் கட்டிக்கொண்டு நடமாடுவோர் தேடிப் பிடிக்கவேண்டியவர்களாகி விட்டனர்.  திருட்டுகளும் பல்கிவிட்ட படியால் துணிகள் கிழிந்துவிட்டால் அவற்றைத் தையலிட்டு உடுப்பவர்கள் இலர். பூச்சி மருந்துகள் கிடைப்பதால் துணிகளில் பொத்தல்கள் விழுந்து உடுத்த முடியாமற் போகும்வரை யாரும் வைத்திருப்பதில்லை. 

இரண்டாம் உலகப் போர் முடிந்து கொஞ்சக் காலம்வரை கந்தல் துணிகளைத் தைத்து உடுத்துவோர் இருந்தனர்.  பொருளியல் முன்னேற்றத்தால் பிச்சைக்கரர்களுக்கும் வீடுகள் இருக்கின்றன.  அவர்கள் தங்கள் இடங்களை வாடகைக்கு வி

ட்டபடி பணம் சேர்க்கின்றனர் என்பது பல்வேறு காவல்துறை நடவடிக்கைகளின் மூலம் அறிந்துகொள்கிறோம்.

ஔவைப் பாட்டியின் காலத்தில் துணி பலருக்குத் தாராளமாகக் கிடைக்கவில்லை. திருடும் எண்ணமுடையோரும் குறைவாக இருந்தனர். அதனால் அவர் கந்தல் உடுத்துவோர் அதைத் துவைத்துக் கட்டுதல் நலம் என்று தெரிவித்தார்.  கந்தல் ஆயினும் என்றதால், துணி நல்லதாக இருந்தாலும் இல்லாவிட்டாலும் துவைத்து உடுத்தவேண்டும் என்றார் ஔவைப் பாட்டி.

பொருளியல் நிலை சிறக்கச்சிறக்க,  கந்தல் என்ற சொல் காணாமற் போகக் கூடும்.

கந்துதல் என்றால் கெட்டுப் போதல் என்பது குறிக்கும் வினைச்சொல். துணி பல்வேறு காரணங்களால் கெட்டுப் போதல் உளதாவதால் கந்து >  கந்தல் என்று இச்சொல் அமைந்துள்ளது.

இன்னும் சில வழிகளிலும் இச்சொல் அமையக்கூடும்.  அவற்றை நீங்கள் கண்டுபிடியுங்கள்.  பகர்ப்பு வரைவுகள் மிகுந்து வருவதால் மற்ற வழிகளில் இச்சொல் அமைவதை இப்போது வெளியிடவில்லை. 

உங்கள் மூளைக்கு வேலை கொடுத்துத் தமிழை அறிந்துகொள்க.

இன்னோர் இடுகையில் இச்சொல்லைத் தொடர்வோம் பிற அளவைகளினால்.

அறிக மகிழ்க

மெய்ப்பு பின்

இரண்டு என்னும் பதம்.

 எமக்கு ஏறத்தாழ பன்னிரண்டு அகவை இருக்கும்போது, எம் தந்தையார் நீ தமிழும் படித்துக்கொள் என்றார்.  ஆனா ஆவன்னா முதலியவை முன்னரே அறிந்திருந்தாலும், "அறம் செய விரும்பு'' தெரிந்திருந்தாலும் இந்த மொழி வேண்டாம் என்று சொல்லிவிட்டோம்.  ஆனால் அவர் மீண்டும் மீண்டும் சொல்லிக்கொண்டிருந்தார்,  இடைநிறுத்தங்களுடன் தாம். இதை வீட்டில் மட்டுமே பேசமுடியு மாதலால்  அவர்தம் வலியுறுத்தலால் இழுபாடு ஒன்றும் ஏற்படவில்லை. பின்னர் எவ்வாறு கவரப்பட்டேம் என்பதை பின் கூறுவோம்.

இன்று இரண்டு என்ற சொல்லை ஆய்வுசெய்து  இதன் சொல்லமை உட்பகவுகளை அறிந்துகொள்வோம்.  இதைப் பிறர் வேறு பகவுகளால் அமைத்து விளக்கியும் இருக்கின்ற படியால்,  இஃது பலவாறு விளக்கத்தக்க பல்பிறப்பி என்று அறிந்துகொள்க.

தமிழ் என்ற சொல்லை மட்டும் 100 வழிகளின் மிக்கு ஆய்ந்து வெளியிட்டுள்ளனர். காளமேகம் முதலிய பெரும்புலவர்கள் இத்தகு சொல்லமைப்புகளில் புகுந்து ஒரு சொல்லுக்குப் பல்வேறு அமைப்புகள் காட்டி விளையாடி மகிழ்விக்கின்றனர்.  திருத்தக்க தேவர் முதலிய மலைகள் திறமிகுத்துக் காட்டி மகிழ்வித்துள்ளனர்.  ஆகவே இத்தகு வசதிகள் தமிழிலே உள்ளமை திறம் என்று அறிந்துகொள்ளவேண்டும்.  வேறு மொழிகளிலும் இத்தகு பகுதிறம் உள்ளது.  ஆனால் இது தமிழில் மிகுதியாய் உள்ளது என்று தெரிகிறது, உங்களுக்கு நேரமிருந்தால் இதில் உழைத்து முடிவுகளை வெளியிடலாம்.

இப்போது இரண்டு என்னும் சொல்.   ஒன்று இருக்கும் போது இன்னொன்று அதே போன்றது ( நாய்க்குட்டி யாகவும் இருக்கலாம், பூனைக் குட்டியாகவுக் இருத்தல் கூடும்)   இருக்கும் ஒன்றை நாடி வந்தால்,   இரு+ அண்டு ஆகிறது.  இவ்வாறு சிந்தித்துத்தான் இரண்டு என்ற சொல் அமைந்தது.  பின்னாளில் அண்டுதல் என்ற கருத்து தொக்கு நின்று ( மறைவாகி)  இரு என்பது மட்டுமே இரண்டு என்ற எண்ணிக்கையை உணர்த்தியது.  இரண்டு என்பதிலிருந்து இரட்டு என்ற சொல்லும் உண்டானது..  இது இரு+ அடு என்பதுதான்.  அண்டு என்பதும் அடு என்பதும் இருவேறு ஒருபொருள் வடிவங்கள்.  அதாவது ஒப்புமை உடையன.  அடுத்துவரல் என்பதில் அடு வினை.  எரியும் நெருப்பு  சட்டியில் படுமாறு அடுத்துவைக்க உதவுதால்  அடுப்பு என்பதற்கு அப்பெயர் ஏற்பட்டது.

ஆனால் ஐரோப்பிய ஆய்வாளர்கள் இதை "பாத்ரூம்" என்பதனோடும் தொடர்புபடுத்தி "ஸ்டோவ்" என்ற சொல்லை விளக்கியுள்ளது  குளிர்சூழலில் வாழும் அவர்கள் இதை முன்வைத்ததன் காரணியை நாம் உணரமுடிகிறது.

தண்டு > ஸ்தண்டு > ஸ்தண்>  ஸ்தோ>  ஸ்தோவ் என்று வருதல் உண்மை. நெருப்பை அடுத்திருக்கவேண்டும்.  இல்லையே அடுப்பு வேலை செய்யாது. ஒன்று இன்னொன்றைத் தண்டவும் வேண்டுமே.

நெருப்பு என்ற சொல்கூட எரிதலை அடுத்து ( நெருங்கி)  இருப்பதை உணர்த்துகிறது.  பற்றுவதற்கு உராய்வு  வேண்டும். அகலாது அணுகாது தீக்காய்க என்றார் வள்ளுவனார். அவர் தெய்வப்புலவர் என்று பரிமேலகழாற் போற்றப்படுபவர்.

இரண்டு என்பதன் பொருள்கண்டீர்.

அறிக மகிழ்க

மெய்ப்பு பின்னர்

தாபதவேடத்தர் -- தாபதம்

 இதனை அறிந்துகொள்ளுமுகத்தான் முதலில்  வேடத்தர் என்பதை த்  தெரிந்துகொள்வது நலம்.

வெள் என்பது ஓர் அடிச்சொல்.  இது வெளிப்புறம் என்று பொருள்படுவதுடன்.  வெளியில் தெரிவது என்றும் அறிதரும் சொல்லாகும்.  வெள்> வெடு> வேடு> வேடம் என்பது காண்க.  வேடுகட்டுதல் என்றால் பானையின் வாயைத் துணிகட்டி மூடுதல். அல்லது  தழைகளால் அதற்கு முற்காலத்தில் மூடியிருக்கவும் கூடும்.  வெள்> வெய்> வேய்> வேய்தல், இனி,  வேய்> வேயம்> வேசம்> வேஷம் என்றுமாகும்.  யகர சகரப் போலி இங்கு கவனிக்க. இது பலமொழிகளிலும் வரும் திரிபுவகை.  ஆய்> ஆயை> ஆசை> ஆசை என்றும் இன்னும் சில்வாறும் திரியும்.  அசை> ஆசை என முதனிலை நீண்டும் தொழிற்பெயராகும்.  சுட்டடி விளக்கமாக,  அ -   அங்கிருப்பதை,  ஐ - ( மனத்துள்) மேல்கொண்டு வருதல் என்றும் பொருள் பொலியும்.  அ ஐ> ஆ ஐ >  ஆயை > ஆசை என்றுமாகும்.  மொழிச் சொற்கள் வளர்ச்சியில் இடைவளர்த்  தரவுகள் மறைந்து இல்லாமலாவது இயல்பு.

தாபத என்ற சொல்லுக்கு தருவதைப் பதுக்கி ( ஒதுக்கிவைத்து) உண்போர் என்றும் பொருள்வரும்.  தவஞ்செய்தலையும் குறிக்கும்.  இது பல்பொருளொரு சொல்  ஆகும்,  தா+ பது >  ;   தா+ பதி.   தருவதை மனத்துள் பதிந்து நன்றிசொல்வோர் என்றும் பொருள்கூறலாம்.  தமிழால் பொருள்சொல்ல முடியாத மொழிகள் சிலவே.   தவத்தால் பதிவுற்ற எனலும் சிறப்பு.

தப்புதல் என்பது  தபுதல் என்று இடைக்குறையும்.  உலகவாழ்க்கை  யிலிருந்து தப்பித்து வாழ்வோர் எனினுமாகும்.  தபு + அம்> தபம்,  தபம்> தவம் எனினும் ஆகும்.  மக்களிடை வாழ்தல் மாசுடைத்து என்பதால் தபுதலுற்று தப ஞானியாதல் எனினுமாகும்.

தாபதம் -  முனிவர்வாழிடம் என்றும் ஆகும்.

அறிக மகிழ்க

மெய்ப்பு பின்னர்.

ஜாதிப்பிரஷ்டம் என்ற சொல்.

 ஜாதி அல்லது சாதி என்பது ஏற்கெனவே மக்களிடம் பயின்று வழங்கிய சொல்லாதலால்,  ஜாதிப்பிரஷ்டம் என்ற கூட்டுச்சொல்லில்  பிரஷ்டம் என்ற சொல்லையே முதலில் கவனித்து அறியவேண்டும்.

பிறழ்த்தல் என்பது  பிறழவைத்தல்.  பணிதல் > பணித்தல் என்பவற்றில் பணித்தல் என்பது பிறவினை என்று இலக்கண  நூல்கள் கூறும்.

குறைதல் என்பதிலிருந்து வரும் குறைத்தல் என்பதுவும் ஒரு பிறவினை தான்.  இவ்வாறு மூலவினையிலிருந்து பிறவினையை நீங்களே அமைத்துக்கொள்ளலாம்.   உரைத்தல் என்பதுவும் ஒரு பிறவினைச் சொல்தான் என்றாலும் வெகுகாலமாக உரைதல் என்பதைக்காட்டிலும் உரைத்தல் என்பதையே நாம் மிகுதியாக வழங்கி வந்த காரணத்தால்,  உரைத்தல் என்பது தன் தன்வினைத்தன்மையினின்று நீங்கி  மூலவினைபோன்று தோற்றமளிக்கின்றது.  சொற்களும்கூட இவ்வாறு தன் பிறப்புக்கொப்பத் தோற்றாமல் மூலவினைபோலும் தோற்றத் தொடங்கும்.  "மொழிபொருட் காரணம் விழிப்பத் தோன்றா" என்று தொல்காப்பியனார் கூறியதற்கொப்ப அதை உங்கள் நுண்மாண் நுழைபுலம் கொண்டு நீங்கள் கண்டுபிடித்துக்கொள்ள வேண்டியதுதான்..  எல்லாவற்றையுமே அகராதியில் எழுதி வெளியிடுவதென்றால் பக்கங்கL மிகுதியாக, அச்சுக்கூலியும் ஏட்டுக்கட்டு விலையும் கூடிப்போகும்.

ஒரு சீனமாணவர் தமிழ்ப் படிக்கப்போய், நடிக்கிறேன் என்பதை அகராதியில் தேடினதுபோல் ஆய்விடும்.   கிறான், கிறாய், கிறவன் என்பவான முடிப்புகளை  யெல்லாம் தாமே படிப்போர் அறிந்துகொள்ளவேண்டும்.

lapor என்பதிலிருந்து வரும் melaporkan என்ற மலாய்மொழிச் சொல்லை சில அகராதிகள் சொந்தமாக உணர்ந்துகொள்ளும்படி விட்டுவிடும்;

இவ்வாறுதான் (L) mensarum mensae mensam என்ற வேற்றுமை வடிவங்களெல்லாம் அகராதியில் இரா. இப்போதுதான் யாம் எழுதிய இரா என்ற சொல் அகராதியில் இருக்காது.  அங்கிருக்கும் இரா என்பது இரவு என்ற பொருளுடைய இன்னொரு சொல்.

பாவம் ஒரு வேற்றுமொழிக்காரரான தமிழ் மாணவர் முன் ஒரு தமிழ் விவாதக் களத்துக்கு எழுதி ஏன் ஒருசொல் அகராதிகளில் இல்லை என்று கேட்டிருந்தார்

ஆகவே பிறழ்த்தல் என்பது ஒரு துணைவினை.

ஜாதிப்பிறழ்த்தல் என்பது ஜாதியிலிருந்து விலக்கிவைத்தல்.

This in modern administration is  similar to  "Interdiction"  from your occupational duties.

இது பின்னாளில்  ~பிறழ்த்தல்,  பிறட்டுதல்,  பிறஷ்டு(தல்,  பிறஷ்டம் >  பிரஷ்டம் என்று திரிந்து சம்ஸ்கிருத  வடிவங்கொண்டு தன் இருக்கை கொண்டுள்ளது.

பிரஷ்டம் எனப்துபோலும் அமைப்புகள் போலிச் சமஸ்கிருத வடிவங்கள்தாம்.

இதைப் புரிந்துகொண்ட தேவநேயப் பாவாணர்,  வடமொழி என்பது தென்மொழியின் வழிப்பட்டது எனறு தம் முதல் தாய்மொழி என்ற நூலில் சொன்னார்..  சமஸ்கிருதம் என்பது ஒலியமைப்பில் தென்மொழி சார்ந்தது என்று வங்காள மொழியறிஞர் சாட்டர்ஜி கூறினார்.

ஜாதி என்ற சொல்லின் விளக்கம் தனியாக வேறு இடுகைகளில் காண்க.

பிறழ்த்துதல் - பிற ஆக்குதல்.  பிறழ்த்தம் > பிறட்டம்> பிறஷ்டம் எனினுமாம். 

அறிக மகிழ்க

மெய்ப்பு பின்னர்