ஹாங்காங் கடற்கரை ஓரம்

 ஆங்காங்  கடற்கரை  ஓரம் ---- அங்கே

அமர்ந்து நலம்பல  பேசிடலாம்

ஓங்கும் இயற்கையின் சூழல் ----மலை

உச்சிக்  குளிர்ச்சியைப்  பழித்திடுமே

சில்லெனும் மெல்லிய தென்றல் --- இது

சீன மாநிலத்  தேன் தடவல்

வல்லென வந்தவை  எல்லாம்  ---- இங்கு

வழிந்து தொலைந்திட வான்மகிழும்.

உடுக்கள் சிமிட்டிடும்  கண்கள் ---- கடற்

குரிய அன்பகம் உய்த்தனவே,

படுக்கை தலையணை வைத்து ---  இராப்

பண்ணொடு தூங்கிடப்   பயன்தருமோ?

 படத்தில் :  அம்மாவும் மகளும்.

சூழல்  -  சுற்றுச்சார்பு.

வல்லென -  சற்றுக் கடினமாக

அன்பகம்  --  பாச உள்ளம்

இராப் பண் - இரவு நேரப் பாடல்

தூற்றல், கடுகி வீசும் காற்று முதலியன இல்லாமையினால் வானும் மகிழ்ந்தது என்பதறிக.

ஹாங்காங்க் என்பதை ஆங்காங்கு என்றே மாற்றுருவாக்கி யுள்ளோம்.  இது ஆங்கு+ ஆங்கு என்று வந்து பிற இடங்களையும் குறிக்கும் இரட்டுறலாகவும் வரும்.

இறுதிவினா:  கொஞ்சம் தூங்கிக்கொள்ள இடம் கிடைக்குமோ என்ற எண்ணம்.