அன்னமும் அன்னாசியும்

தமிழ்நாட்டிலுள்ள நம் மக்கள் என்னென்ன குழம்புகள்
வைக்கிறார்கள் என்பதை நாம் நேரில் அறிய
முடியவில்லை. சுற்றுப்  பயணங்களின் போது

கடைகளில் நிலவரம் எப்படி என்று ஒருவாறு தெரிந்து
கொண்டாலும் வீட்டில் வைக்கும் குழம்புகட்கு அவை
ஈடாம் என்று கூறிவிட முடியாது.

அன்னாசி மோர்குழம்பு:

திருமுருக கிருபானந்த வாரியார் சாமிகள் மலேசியாவுக்கு -
சிங்கப்பூருக்கு வருகையளித்தபோது அவருக்கு மாரான்
என்னும் நகரில் ஒருகால் அன்னாசிமோர்குழம்பு வைத்து
உணவளித்தனராம். அன்னாசி என்பது ஊட்டச்சத்து
நிறைந்த பழமென்பது யாவரும் அறிந்ததே.  அது இட்டு
வைத்த குழம்பும் சுவையாகவே இருந்திருக்கும்.

அன்னாசியின் சொல்லமைப்பு பற்றி இங்கு
அறிந்துகொள்ளுங்கள்:
https://sivamaalaa.blogspot.com/2012/10/abbaasu.html

அன்னம் என்னும் சொல்லும் அன்னாசி என்ற சொல்லும்
 " அரு" என்ற அடிச்சொல்லுடன் தொடர்புடையவை.

அரு >  அன் > அன்னம்.  ( அருந்துவதற்கானது என்று
பொருள்.)அரு > அருந்து ( வினைச்சொல்லாக்கம்).
பொருள்:  தின்னு/ உண்ணு என்பது.

இயற்கையில் காணப்படும் பொருள்களை மனிதன் கடித்தோ, வெட்டியோ, இடித்தோ, பிட்டு எடுத்தோ,   ---- ஏதேனும் செய்து மென்று சிறிதாக்கித் தான்

சாப்பிடவேண்டும். மலைப்பாம்புக்கு உள்ள இயற்கைத் திறம் எதுவும் மனிதனுக்கு இல்லை. பாவம் மனிதன்.

அருந்துவதைச் சிறிதாக்கித் தான் மனிதன் உண்கிறான்.

ஒரு நீதியரசர், வழக்குக்கு எது தேவைப்படுகிறதோ அதைமட்டுமே தீர்மானித்துக் கொள்ள வேண்டும்.  பக்கக் கருத்துகளை ஈடுபாட்டுக்குள் புகுத்தலாகாது என்பதுண்டு.  அதுபோலவே எந்த வாதமும்.

அருந்துதலும் சிறுமையும் தொடர்புதரு கருத்துகள் ஆகும்.

அரு என்பதான அடிச்சொல்லிலிருந்தே அரிசி என்ற சொல்லும் வந்தது.

அரு > அரு+ இ =  அரி > அரிசி.  (  சிறுவிதை என்பது சொல்லமைப்புப் பொருள் ).

 அரு > அருந்து என்ற சொல்லின்வழிச் சென்று,  அரு> அரி என்று பொருளும் கொள்ளவே வேண்டும்.  இரண்டும் பின்னிப் பிணைந்து நிற்கின்றன.

அரு > அரி > அரிதல்.    ( சிறுசிறு துண்டுகளாய் வெட்டுதல்.).

அரி > அரித்தல்.1  கொஞ்சம் கொஞ்சமாக இழுத்து எடுத்தல்  2. தோலில் புள்ளியிடங்கள் போலும் குறுகியும் பரவின் விரிந்தும் ஏற்படும் சொறியச் செய்யும் தோலுணர்வு.

அரு என்பது அன் என்று திரியும் என்றோம்.

அரு > அன் > அன்னம்.   (  அம் விகுதி).

அருநாசி > அன்னாசி.

பென்னம் பெரிய என்ற வழக்கும் நோக்குக.  பெரு > பென்.

சின்ன ஞ் சிறிய என்பதும் கவனிக்க.   சிறு > சின்.

இதையும் அறிக.

குறு என்றால் சிறியது.   குறு > குற்றம் ( இதன் சொற்பொருள் சிறு செயல் என்பதுதான்.  அது அடிப்படைக் கருத்து. இன்றைய அளவில் குற்றம் என்றால்

சட்டத்தை மீறிய எதுவும் குற்றம். இது ஒரு பொருள்விரி ஆகும்.

அரி என்பது சிறுமைப் பொருள் உடையது என்றோம் அல்லோமோ?  அவ் வடிச் சொல்லும் அம் விகுதி பெற்று "  அரியம் " என்றாகிக் குற்றம் என்று பொருள்படும்.

இன்னும் சான்றுகள் பல.  நேரம் கிட்டினால் பேசி மகிழ்வோம்.

அன் > அண் என்பதிலும் தொப்புள்கொடி உறவு இல்லாமலா போய்விட்டது?

சரிபார்க்கும் மென்பொருள் பழுது.

பின் சரிபார்க்கப்படும்.