ஆயுதம் கூர்த்திகை "வனைகலன்"

வல்லவனுக்குப் புல்லும் ஆயுதம் என்ற பழமொழியில்  ஆயுதம் என்ற சொல் நன்`கு பதிவு பெற்றுள்ளது.  தண்டாயுதம் ( இப்போது தெண்டாயுதம்) என்ற சொல்லிலும் ஆயுதம் ஆட்சிசெலுத்துகிறது.  ஆயுதம் தாங்கிய கொள்ளைக் காரர்கள் என்னுங்கால் ஆயுதம் அங்கு வந்துவிடுகிறது.

ஒன்றை ஆய்வதற்கு அல்லது ஆய்வு செய்வதற்கு ஆயுதம் தேவைப்படுகிறது. கீரை ஆய்வதற்குக் கைகளே ஆயுதம்.  ஆய்தல்:   ஆய்+உது + அம் என்ற பிரிப்பில் இதனமைப்பைக் கண்டுகொளக.  உது = முன்னிருப்பது.  முன்னிருப்பதை ஆயும் கருவியே ஆயுதமாகும்.

ஆயுதம் என்பதற்கு வேறு தமிழ்ச் சொற்கள் உள்ளனவா?  தேடிப்பாருங்கள்.

கூர்த்திகை என்ற சொல் ஓர் இரண்டு நூற்றாண்டுகட்கு முன்னர் தமிழில் வழங்கியதென்று தெரிகிறது. பெரும்பாலான ஆயுதங்கள்  முன்பகுதி கூரானவை. ஆகவே கூர்த்திகை என்பது நன்`கு அமைந்த பெயர். பிற்காலத்தில் கூர்மை இல்லாதவையும் கூர்த்திகை என்று குறிக்கப்படவே,  அதன் சொல்லமைப்புப் பொருள் நழுவிற்று.

கூர்த்திகை என்ற சொல்லை வைத்து வாக்கியம் எழுதுங்கள்.  அப்போதுதான் அச்சொல் மறைந்திடாமல் இருக்கும்.     

ஆயுதம் என்பதை "வனைகலன்" எனலாமா?