இலாடம் என்ற சொல்லுக்கு என்ன பொருள்

 சிற்றூர்களுக்கு  ஆட்டக்காரர்கள் ஆடவருவார்கள். அப்போது அவர்கள் நின்ற இடத்திலே ஆடிக்கொண்டிருப்பார்கள்.  மரத்தாலான கோல்களில் தரைப்பகுதியில்  இருப்புக்காப்பு  அடிக்கப்பட்டிருக்கும்.  அதன்மேல் நின்றுகொண்டு ஆட்டமும் பாட்டும் நடைபெறும்.  சீனர்களிடமும் இத்தகைய ஆட்டபாட்டங்கள் உண்டு.  அந்த அடிக்கப்பட்ட இரும்புக் காப்புக்கு  இலாடம் என்று பெயர்.

இலாடம் என்பது பின்னர் லாடம் என்று தலையிழந்த சொல்லாகிவிட்டது. இந்தச் சொல்லில் இல்+ ஆடு+ அம் என்று மூன்று பகவுகள் உள்ளன.

இல் என்றால் இடம்.  நாட்டில் என்பதில்  இல்  இடத்தைக் காட்டும் உருபாக வருகிறது. இல் என்ற தனிச்சொல் வீடு என்பதையும் குறிக்கும். இடம் என்ற பொருள் தெளிவானதாகும்.

இருக்குமிடத்தில் ஆடிக்கொண்டு ஒரு கலையையோ நிலையையோ காட்டுவது இல் என்ற சொல்லின் தன்மையும் ஆகும். 

அடுத்த சொற்பகவு ஆடு என்பதுதான்.  இது ஆடுதலாகிய செயலைக் குறிக்கிறது.

இந்த ஆடுதலுக்கு அமைக்கப்பட்டதுதான் பொருத்தப்பட்ட இரும்புக்காப்பு.  மரக்கோல் ஆடும்போது பிளந்துவிடாமல் அந்தக் காப்பிரும்பு பார்த்துக்கொள்கிறது.

நாளடைவில் இது செருப்புகளிலும் பொருத்தப்பட்டுப் பலனளித்தது என்று அறிக.  நடக்கும்போதும்  கால்  ஆடத்தான்  செய்கிறது.. ஓர் இயக்க்நிலையையும் இது குறிக்கும்.  உரையாடல் சொல்லாடல் என்ற பதங்களிலெல்லாம்  ஆடல் என்பது துணைவினையாக வருகின்றது. ஆகவே எந்தச் செயலாற்றலிலும் இச்சொல் பயன்பாடு காணத் தக்கது ஆகும்.

ஆகவே இச்சொல்லில் ஆடுகின்ற தமிழை நீங்கள் அறிந்து இன்புறலாம்.

இல் ஆடு அம் என்பது இல்லாடம் என்று வந்தாலும் தமிழில் சுருக்க முறைகள் இருப்பதால் இல்லாடம் இலாடம் என்ற குறுகுதல் இயல்பே ஆகும்.

அறிக மகிழ்க

மெய்ப்பு பின்னர்

பகிர்ந்து பரவிட உதவுக.

அந்தியம் என்ற சொல்

 அந்தியம் என்ற சொல்லைக் கவனிப்போம்.

மனிதன் தன் அந்திய காலத்தில் துறவு பூண்டு வாழ்தல் மிகவும் நன்று என்ற வாக்கியத்தில் அந்தியம் என்ற சொல் காணலாம்.   தன் கடைசிக் காலத்தில் என்று இதற்குப் பொருள்..

இந்தச் சொல்லில் அண் என்ற தொடக்கப் பகவு உள்ளது.  அண் என்றால் நெருங்கிய(து என்று பொருள்.. எதற்கு நெருங்கியது என்னில்,  முடிவை நெருங்கிய காலத்தை என்று கூறலாம்.  அந்தம் என்ற சொல்லும் இதனுடன் உறவுள்ள் சொல்தான்,

அண், அண்மை, அணித்தான, அண்டுதல், அண்முதல் என்ற பல சொற்கள் உள்ளன.  அண்+ து+ இ + அம் > அண்தியம் என்றாகும்.  து  இ என்பன இடைநிலைகள். அம் என்பது இறுதி அல்லது விகுதி.

சொல்லாக்கப் புணர்ச்சியில் அண்தியம் என்பது அந்தியம் என்றே அமைவுறும்.

அண்தியம் என்பது அண்டியம் என்று உரைநடையில் நிலைமொழி வருமொழிகள் போல புணர்க்கப்படா.

அறிக மகிழ

மெய்ப்பு பின்னர்

பகிர்வு 

பஞ்சமி பாணர்கள்

 பஞ்சமி என்ற சொல்லைப் பார்க்கலாம்.

அம்மன் பற்றிய வரலாறு அறிய எழுங்காலை அவள் ஐந்தாம் வகுப்பினள் என்பது சாதிகள் பற்றிய கருத்து  வேரூன்றி விட்டபின் வெளிப்பட்ட விளக்கமாகும்.சாதிக் கருத்துக்கு இது ஒளி தருவதுபோல் தோன்றினாலும் இது  வரலாற்றுக்கு  இயைந்தது   அன்று. இதற்குக் காரணி யாதெனின் பஞ்சமி என்னும் சொல் சாதிகள் ஆளுமை பெறுமுன் அமைந்த தாகத் தெரிகிறது.

பண்கள் அமைததுப் பாடுகிறவர்கள் "பண் சமைப்பவர்கள். " சம்> சமை என்பதே சொல்லமைப்பு ஆதலின்  சம் > சமி என்னும் வடிவம் உணரற் பாலதாகிறது. இதற்கு " அமைப்பவள் " என்று பொருளுரை பகர்தல் ஆய்வறிவு ஆகும்.

பண் சமி என்பதே பஞ்சமி ஆயிற்று. பிற்காலத்தோர் இதை ஐந்தாம் வகுப்பினள் என்றது அவர்கள் கொண்ட கருத்து  ஆகும் . கருத்துக்கள் காலத்திற்கு ஏற்ப மாறுபவை.

அறிக மகிழ்க.

மெய்ப்பு பின்னர்

பகிர்ந்து படிக்க.

ப்

சந்தை சொல்லாக்கம்

 இன்று சந்தை என்ற சொல் அமைந்தவாறு காண்போம்.

இதன் அடிச்சொல் சண் என்பது.  சண் என்பது பலரும் தேடிச்செல்லும் செயலைக் குறிக்கும்.

சண் + தை >  சண்தை >  சந்தை.

சொல்லாக்கப் புணர்வு வேறுவகையானது.  சொல்லாக்கத்தில் நிலைமொழி வருமொழி என்பவை இல்லை.  நிலையடியும் விகுதியுமே உள்ளன. இவை மொழிகளாக மாட்டா.  இங்கு மொழி எனில் சொல். மேலும் சொற்கள் பொருத்தமாகவும் இனிமையாகவும் அமையவேண்டும்.  

மந்து என்ற மன்னன் குறிக்கும்  சொல்லில்  மன் + து என்பது மன்று என்று வாரா நிலையில் மன் து > மந்து என்றே வந்தவாறு கண்டுகொள்க.

மன் +  து >  மந்து  ( மன்னன் என்ப்து பொருள்).

பாண் + சாலி >  பாஞ்சாலி  என்று வந்தவாறு காண்க. பாண் என்பது பாணர் பரம்பரையில் வந்த அரசி என்றவாறு உணர்க. இது வடநாட்டில் பாண்சு > பாஞ்சு  என்றாகும்.  ஐந்து என்னும் பொருளிய சொல்லென்று வடநாட்டினர் கொண்டனர்.

பஞ்சு  ஐந்து என்று கொண்டனர்.  

அறிக மகிழ்க

மெய்ப்பு  பின்னர்.

உங்கள் அன்பான கவனத்திற்கு

FOR YOUR KIND ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

குரோதம் சொல்

 குறுகிய மனமப்பான்மையினால் மக்களிடையே ஏற்படும் மாறுபாடான நடப்புகளைக் காட்டுவதற்கு ஒரு சொல் தேவைப்பட்டது.  இந்தத் தேவை  சமஸ்கிருதம் தமிழ் ஆகிய இரு மொழிகளுக்கும் தேவை என்று உணரப்பட்டிருக்கலாம்.  இதை அறுதியிட்டுச் சொல்வதற்கு அந்த வேளையில் நாம் அங்கு இல்லை.

குறு + ஓது + அம்  >  குரோதம் என்று சொல் அமைந்தது.

வல்லின றுகரம் புணர்க்கப்பட்டு ரோ ஆயிற்று.

இது சாறு > சாராயம் என்ற சொல்லின் மற்றம் போலுமே ஆகும்..  சாறாயம் என்னாமல் சாராயம் என்றே வந்தது அறிக.

விரோதம் என்ற சொல்லுக்குக் கூறியவை ஈண்டும் பொருந்தும்.

அறிக மகிழ்க

மெய்ப்பு பின்னர்.

உங்கள் அன்பான கவனத்திற்கு

FOR YOUR KIND ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

விரோதி என்ற சொல்.

 இந்தச் சொல் தமிழில் வழக்குடைய  ( என்றால் பயன்பாடு உடைய)  சொல்லாகும்.  எல்லாத் தமிழறிந்த மனிதரும் அறிந்த சொல்.  இது ஒரு பொதுச்சொல் தான்.  தமிழுக்கும் சமஸ்கிருதம் என்று சொல்லப்படும் சந்த மொழிக்கும் பொதுவான சொல்.

சமஸ்கிருதம் என்பது சந்த அசைகளால் ஆன மொழி என்று அறிந்து அதற்குச் சந்தாசா என்றொரு பெயரும் இருந்தது. இந்த மொழிக்குப் பல பெயர்கள் வழங்கியுள்ளன. அவற்றைக் கூறும் நூலகளின் மூலம் அறிந்துகொள்க.

விரோதி என்பவன் ஓர் எதிரி என்று சொல்லலாம்.

வெறு, ஓது என்ற இரண்டு சொற்களால் அமைந்த சொல் இதுவாகும்.

வெறு ஓது இ >  வெறோதி > விரோதி என்று தமிழ் மூலம் உடைய சொல்.

சொல் அமைந்தவுடன் றகரம் ரகரம் ஆகிவிடும். 

எடுத்துக்காட்டு:

சாறு >  சாறு ஆய அம் >  சாராயம் என்றாகும்.  

வல்லெழுத்து று என்பது இடையின எழுத்தாகியது அறிக.

அறிக மகிழ்க

மெய்ப்பு பின்,

FOR YOUR KIND ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

அப்பாவி சொல்

அப்பாவி என்றால் ஒரு பாவமும் அறியாத ஆள் என்பது பொருளாகும். இஃது எவ்வாறு அமைந்தது என்று காண்போம்.

அப்பாவி என்பதில் உள்ள அகரம் ஓர் கடைக்றை  ஆகும். இதன் முழுச்சொல்  "அல் " என்பதே.  அல் பாவி என்றால் பாவி அல்லாதவன்  அல்லது ~வள் என்பதாம்.  பாவி என்பது நீங்கள் அறிந்த சொல்.  பாவம் >பாவி. இ - செய்வோன்..  செய்வோள் இரண்டிற்கும் பொது.

அறிக மகிழ்க

மெய்ப்பு பின்

படிப்பீர் பகிர்வீர்

ப்

ப்

ஆகம என்பது இடைக்குறைந்து ஆம எனவாவது: ஆமநாயம்.

ஞாயம்  என்ற சொல்,  நியாயம் என்பதன் திரிபாக எண்ணப்படுகிறது.  ஆனால் ஞாயம் மேலும் திரிந்து நாயம் என்று எழுதப்பட்டால்,  அவை மரபுகளுக்கு இணங்காத பட்டி வழக்கு என்று எண்ணத் தோன்றும்.  ஆனால் இதைப் பாருங்கள்:

வினைச்சொல்:  நயத்தல்.  தொடர்புள்ள பெயர்ச்சொல்:  நயம்.

நய + அம் >  நாயம். இங்கு  முதனிலை நீண்டு திரிந்து  அம் விகுதி பெற்றது. அம் என்பது அமைப்புக் குறிக்கும் விகுதி. விகுதிகட்குப் பொருள் இல்லாமலும் சொல்லை மட்டும் அமைக்க வருவதுமுண்டு.  ஆனால் இங்குப் பொருள் காண முடிகின்றது.

இதுபோல் அமைந்த இன்னொரு சொல்:

வினைச்சொல்:  மயங்கு-(தல்.)

அடிச்சொல்:  மய.   கு என்பது வினையாக்க விகுதி.

மய + அம் > மாயம்.   

கண்டோரை மயங்கச் செய்வது.  ( இதுவோ?  அதுவோ? என்று.

மாய்தல் ( அறிவை மாய்த்தல் ) என்பதாலும்  மாய்+ அம் > மாயம் என்று வரும் என்பதால்,  இஃது இருபிறப்பி அல்லது பல்பிறப்பி  ஆகும்.

மய என்பது மாயம் என்று வரலாகும் என்பதை இது காட்டுவதால்,  நயம் என்றபாலதும் நாயம்  என்று திரிதலுமாகும் என்று உணர்க.

இனி,  ஆகம என்ற சொல்லும்  ஆம என்ற திரிந்தது.  ஆனால் இது தனியே வராமல் நாயம் என்பதனோடுதான் வரும்.  அப்போது ஆகம நாயம் அல்லது ஆகம ஞாயம் என்று கொள்ளவேண்டும்.

இவற்றை நன் கு கற்றுக்கொண்டு வேண்டியவர்களுக்கும் தெரிவியுங்கள்.

அறிக மகிழ்க

மெய்ப்பு பின்.

உங்கள் அன்பான கவனத்திற்கு

FOR YOUR KIND ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

நம்புதல் -- என்ன?

 பிறர் கொண்டுள்ள ஒரு கருத்தை ஒருவனோ ஒரு கூட்டமோ தனக்குள் அல்லது தமக்குள் மேற்கொள்ளுவது தான் "நம்புதல்" எனப்படுகிறது.

 இச் சொல் நாம்> நம் என்ற சொல்லினின்று அமைகிறது. மிக்க எளிதாக ஒரு "பு" விகுதிகொண்டு இது அமைக்கப் படுகிறது.

முற்காலத்தில் நான் > நன் என்றும் நாம்>நம் என்றும் சொற்கள் குறுகி வழங்கின.  நெடில் வடிவங்களைவிட குறில் தொடக்கத்தவையே இச் சொல்லாக்கத்தில் பொருந்தி வருபவை . பொருட் பொருத்தமும் உடையாவை.

அறிக மகிழ்க

மெய்ப்பு பின்

பகிர்ந்து கொள்ளுங்கள்.

ம்

ன்

ம்ர்

ம்

சாசுவதம் அல்லது சாஸ்வதம் என்ற சொல். தொடர்வரு கடைப்பிடிகள்

 ஒன்று எதுவாயினும் என்றுமுள்ள தென்று சொல்ல இயல்வதானால் அது மனிதன் இறந்த பின்னும் இருக்கும் மனிதர்களால் பின்பற்றி வரத் தக்கதாகவும்  உண்மையில் பின்பற்றப்படுவதாகவும் இருக்கவேண்டும்.  என்றும் பற்றப் படுவது என்பதற்குச்  சமஸ்கிருதம்  அல்லது சங்கத மொழியில்  "சாசுவதம்" என்று சொல்வர். இதைத் தொடர்வரு கடைப்பிடிகள் என்று இங்கு சொல்கிறோம்.

சா -  இறந்த பின்னும்;

சுவ --  சுயமாக அல்லது தானே தொடர்வருகையாய்

து -  மாற்றமின்றித் தொடர்வது  ஆகிய;

அம்  -  அமைப்பு 

இவ்வாறு விளக்க,  சாசுவதம் என்பது நன்கு புரிந்துணர்வைத் தரும் கடைப்பிடிப்பு என்பதைச் சரியாக விளக்கமுடிகிறது.

சொ >  சு >  சுய  அல்லது சுவ.  இந்தச்சொல் வரும் சொல்லுக்கு ஏற்ப,  சுய என்றோ சுவ என்றோ வரும்.  சுவாதீனம் என்ற சொல்லில் சுவ என்பதே வந்தது.  ஏற்ற வடிவம் தேர்ந்துகொண்டு சொல்லை அமைக்கவேண்டும்.

சொ - சொந்தமாகவே, வ - வந்து கொண்டிருப்பது. இது "சொவ" > சுவ> சுய. சொவ என்பது சொய என்றுமாகும். இது உடம்படுமெய் மாற்றம். இதில் தமிழ் - சம்ஸ்கிருதம் ஒன்றுபாட்டை  உணர்க.

இதையும் படித்தறிந்து ஒப்பீடு செய்துகொள்ளுங்கள்:

சம்பிரதாயம்  https://sivamaalaa.blogspot.com/2023/07/blog-post_75.html

அறிக மகிழ்க

மெய்ப்பு பின்னர்

உங்கள் அன்பான கவனத்திற்கு

FOR YOUR KIND  ATTENTION

If you enter compose mode please do not make changes.

You may share this post with others through any social media. Copyright is waived for this post for sharing among friends and students.

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகைக்குப் பகிர்வுரிமை வழங்கப்படுகிறது.

துரு குறு அடிச்சொற்கள்ள்ரு

 துருவுதல் என்ற வி னையின் அடி ச் சொல் துரு என்பதாகும். இந்த வினையில் வு என்ற வினையாக்க விகுதி வோலைக்கப்பட, மீதம் இருப்பது துரு என்பதே. இது துளைத்து வெளிவருதலைக் கு ரிக்கும் . 

மலாய் மொழியில் ஏ றத் தாழ இதுவே பொருள். ஆன அம்மொழியில்  ஸ் என்ற இறுதி சேர்ந்து கொள்கிறது.   துரு ஸ் என்ற தொடர்ந்து முன் செல்லுதலைக் குறி க்கிறத

இதுவே போல் அமைந்ததுதான்  குறு  >குறுஸ் >கு ரு ஸ் என்பதும். உடல் கு றுகுவ தைக் காட்டும் . ஸ் என்ப தை விகு தி யாய்க்  கொள்க.

அறிக மகிழ்க.

மெய்ப்பு பின் 

பகிர்வுரிமை வழங்கப்படுகிறது.

தொந்தரவு முடிந்து நிம்மதி - சொல்லமைப்பு

 தொந்தரவு என்பது ஒரு திரிபுச் சொல். சிலவேளைகளில் எது உங்களைத் தொந்தரவு செய்கிறது என்று வெளிப்படையாகத் தெரிவதில்லை. முன் சென்மத்தில் அல்லது பிறவியில் நடைபெற்று முடிந்த தீவினைப் பயன்கள் மீண்டு வந்து தொந்தரவு செய்வதாக இருக்கலாம். எதனால் தொந்தரவு என்று கடுமையாகச் சிந்திப்பதானால் ஏதும் பயன் விளைந்துவிடாது.  காரணம் கருத்தில் கோளாறு என்பதன்று, எதனாலென்றாலும் வருவது வந்துகொண்டுதான் இருக்கும். இனி அடுத்த சென்மத்தில் இவ்வாறு நிகழாமல் பார்த்துக்கொள்ள முனையலாமே தவிர பண்டைப் பயன்களை மாற்றி அமைக்கும் திறன் குறைவுதான். காலத்தைப் பின்னோக்கித் தள்ள இயல்வதில்லை. நீங்கள் எதை நம்புகிறீர்கள் என்பதைப் பொறுத்து எதுவும் விளைவதில்லை. நீங்கள் எதை நம்பினாலும் நம்பாவிட்டாலும்  நடப்பவை நடக்கும்.

தொல் என்றால் பழையவை. தரவு என்றால் தருதல், அதனால் மீண்டும் வருதல், அல்லது அலையடித்தல்.  தொ+ தரவு >  தொந்தரவு.

நிம்மதி என்பது,  நில் > நி,  நின்று போவது. மன்னுதல் என்பது நிலைகொள்ளுதல்.  மன்னுவதால் நின்று போனவை மீண்டும் தொடங்காமல் இருத்தல்.  திரும்பாமை என்பதற்கு தி என்று போட்டால்  நிம்மதி என்ற சொல் வந்துவிடும். இந்தச் சொல்லும் வாக்கியங்களி லிருந்து குறுகி அமைந்த சொல். நின்று போனவை மன்னுதலும் மறுபடி திரும்பாமையுமும் ஆகும்.

வாக்கியங்களிலிருந்து குறுக்கி அமைக்கப்பட்ட சொல் நிம்மதி,  நில் என்பதில் லகர ஒற்று மறைந்து நி என்று நின்றால் அது கடைக்குறை என்று இலக்கணம் சொல்லும். இதனுடன் மன்னுதல், திரும்பாமை முதலியன வந்து  நிம்மதி என்ற சொல் ஆகிறது.

சொற்கள் பல மனிதன் உருவாக்கியவை. அந்த அறிவினை மனிதனுக்குக் கடவுள் கொடுத்துவிட்ட காரணத்தால் கடவுள் பின்னணியில் இருந்துள்ளார்.  அவனன்றி அணுவும் அசையாது என்பதால் அவ்வாறு எடுத்துக்கொள்வதற்குக் காரணம் உள்ளது. நீர் எதை நம்புவதாலும் நம்பாமையினாலும் எதுவும் உலகில் மாறிவிடாது. 

அறிக மகிழ்க.

மெய்ப்பு பின்னர்

உங்கள் அன்பான கவனத்திற்கு

YOUR ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்குப் பகிர்வுரிமை  அளிக்கப்படுகிறது.

அனுக்கிரகம் என்பதென்ன? தமிழா? தெரிந்துகொள்ளுங்கள்.

 பற்றனின் அல்லது பக்தனின் ( பத்தனின்)  அன்புக்காக அணுகிவந்து அகத்தில் இருப்பவன் தான்  இறைவன்.  அவன் இவ்வாறு அன்பு காட்டி அருள் கூட்டிய கதைகள் நாட்டில் பல வுண்டு என்பது நீங்கள் அறிந்தது.\

இதிலுள்ள தமிழ்ச் சொற்களின் ஓட்டத்திலே நாம் சென்று ஒட்டி உணர்ந்துகொள்ளுவோம்.

அன்புக்கு:

இந்தச் சொல்லில் ( அன்பு)   பு என்பது விகுதி.  விகுதி வேண்டாம் என்று விட்டுவிட்டால்,  அன்+( ப்) உ+ க்கு,  இவை சேர்க்க:  அனுக்கு என்றாகும்.

இரு என்பதை இணைக்க:

அனுக்கிரு  என்று வந்துவிடும்.

எங்கே கடவுள் வந்து இருப்பான் என்றால் அகத்தில் இருப்பான்.  ஆகவே

அனுக்கு + இரு+ அகம் >  அனுக்கிரகம் என்று வந்துவிடும்.  இரு என்பதன் இறுதி உகரம் நீங்கிற்று.

அனுக்கிரகம் என்பது சமஸ்கிருதம் என்னலாம்.  அதுவும் இந்திய மொழிதான்,  தமிழர்களாலும் வளர்க்கப்பட்ட மொழிதான்.  இராச இராசன் முதலிய பேரரசர்கள் தென் கிழக்காசியா முழுவதும் அதைப் பரப்பினார்கள். தமிழர்கள் அதில் ஒட்டும் உறவும் இல்லை என்றால் ஏன அவ்வளவு சிரமம் மேற்கொள்ளவேண்டும்? வேறு வேலை இல்லாமலா?

சமஸ்கிருதம் என்பது சம கதம் அல்லது சங்கதம் என்றும் பெயர் பெறுவதுண்டு.  கதம் என்றால் ஒலி :  கத்து> கது > கதம்/  ஒலி.  தமிழுக்குச் சமமான ஒலியமைப்பை உடைய  மொழி சமஸ்கிருதம் ஆகும்.  இதை வெள்ளைக்காரன் வேறு பொருள் சொல்லி மடக்கினான். வங்காள அறிஞர் எஸ் கே சட்டர்ஜீ யின் மொழி ஆய்வினையும் படித்து அறிந்துகொள்ளுங்கள். தென்மொழிகளின் ஒலியமைப்பை உடையது சமஸ்கிருதம்.

அன்புக்காக அகத்தில் வந்து இருப்பவன் தான் இறைவன் என்பதை இந்தச் சொல்  ( அனுக்கிரகம்) என்பது  தெளிவாகக் காட்டுகிறது.

சமஸ்கிருதம் இந்தோ ஐரோப்பியம் என்றால் சொல் ஏன் இப்ப்டி அமைகிறது?

அன்பு  என்ற இனிமையான சொல்,   அண், அன் என இருமடியாகத் திரியும்.  அணுக்கம்,  அணு முதலிய சொற்கள் அண் என்னும் அடியில் தோன்றின.  அன்பு, அனுக்கிரகம் முதலியவை அன் என்னும் அடியில் வருவன ஆகும்.  இன்னும் பல உள்ளன. நான் இரண்டு எடுத்துக்காட்டுவதான் இரண்டுதாம் உள் என்று எண்ணிவிடலாகாது.. அனுசரணை என்பது அன் அடியில் தோன்றிற்று என் அறிக.

அறிக மகிழ்க

மெய்ப்பு பின்.

YOUR ATTENTION PLEASE

If you enter compose mode please do not make changes.

You may  share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

விக்கிரமா

 இன்று விக்கிரம என்ற சங்கதச் சொல்லை அறிந்துகொள்வோம். 

சங்கதம் என்பது  சமஸ்கிருதம் என்பதற்கு மற்றொரு பெயர். இம்மொழிக்குப்   பல பெயர்கள் உள்ளன. சந்தாசா என்றோர்  "அழைப்பும்" உண்டு. இது சந்த அசைவு என்ற தொடரின் மருவுதலே.

இனி  விக்கிரம என்ற என்பதைக் கவனிப்போம்.

இது வில் + கு+ இரு +அ+அமை +அ என்பவற்றின்  சேர்க்கையும் திரிபும்தாம். வில்லுக்குப் பெரியோனாய் அமை ந்தவன்  என்பது பொருளாம். வில் கு > விற்கு என்று தமிழிலும் விக்கு என்று அயலிலும் வரும். இரு என்றால் பெரிய என்பது. இரு என்பது எண்ணிக்கை என்றும் கொள்ளல் தகும். இருமடங்கு என்னில் அதுவும் பெருமைக்  குறிப்பே.

வில்லிற் பெரியோன் எனில் வீரன் என்பதன் பொருட்டு.  பெண்ணுக்கும் அமையும்.

விக்கிரம என்ற சொல் தமிழ் மூலத்தது. இது மனிதப் பெயர்களிலும் பயின்று வழங்கும் .

அறிக மகிழ்க.

மெய்ப்பு பின்னர்

பிறருடன் பகிர்க.

உத்வேகம் என்ற சமஸ்கிருதமும் அதற்குரிய மூலச்சொல்லும்.

 இன்று உத்வேகம் என்ற சமஸ்கிருதச் சொல்லையும் அதன் தமிழ் மூலத்தையும் காண்போம்.

சுட்டடிச் சொல்வளர்ச்சியில்  அ , இ , உ  என்ற மூன்று சுட்டுகள் இடம்பெறுகின்றன.  இவற்றுள் அ ( அகரம் )  மற்றும் இ  (இகரம் )  இரண்டும் இந்நாள் வரையில் தொடர்ந்து வாழ்ந்துள்ளன.  ஆனால் உகரம் என்பது பல்லாயிரம் சொற்களைப் படைத்துவிட்ட பின் வழக்கொழிந்து அல்லது குன்றிவிட்டது  உத்வேகம் என்ற சொல் இந்த உகரத்தைச் சார்ந்து எழுந்தது ஆகும். இதன் முழுமை யாதெனின் உது வேகம்  என்பதுதான்.   இது அது வேகம் என்றும் இது வேகம் என்றும் வருமாறு போல உண்டான பயன்பாடுதான்.  உது வேகம் என்றால் முன்னுள்ள வேகம் என்பதுதான்.  மனிதனின்  எண்ணத்தில் செயலில் முன்னே எழுநிலையாக நின்று அவனை வழிப்படுத்துவது என்று பொருள் பெறுகிறது/  இந்தப் பொருள் சுட்டடிக் கருத்து அடிப்படையில் எழுந்து வேறு பயன்பாடுகளால் மங்கி விடாமல் உத்வேகம் என்ற சொல்லிலும் இன்றும் காணப்படுவதும் பயன் கொள்வதும் ஆகும்.

உதுவேகம் என்பது சமஸ்கிருதத்தில் உத் வேகம் ஆகிறது.  இதில் து என்பதில் உள்ள உகரம் கெட்டது அல்லது விலக்குண்டது என்பதுதவிர  வேறு மயக்கம் யாதும் இலது கண்டுகொள்க.

தமிழ் முறைப்படி காணப்படும் சொற்கள் சமஸ்கிருதத்தில் இவ்வாறு குறுக்கமுற்று வழங்குவது அம்மொழிக்குரிய இயல்பு  ஆகும்.  

இன்று இதைப் ப்யன்படுத்த வேண்டின் உத்துவேகம் என்று விரித்துப் பயன்படுத்தலாம்.  ஆனால் அதற்கீடான தென்மொழிச் சொற்கள்  தடையின்ரிக் கிடைப்பதால் இவ்வாறு விரித்துப் பயன்படுத்துதன் தேவையானல் செய்துகொள்ளலாம்.  இல்லை என்றால் வேறு தனித்தமிழ்ச் சொற்களைப்  பயன்படுத்திக் கொள்க.

வேகம் என்பது வேகுதல் என்பதன் தொடர்பில் எழுந்ததே.  வேகுதலால் அல்லது வேக்காளத்தால்  பொருள்கள் விரைவில் அழிந்து அல்லது மாறிவிடுகின்றன.  இவ்வேக்காளம் வெப்ப மிகுதியால் ஏற்படும் அழிவு. விரைந்து அழிதற்குக் காரணமாவதால் வேகு+ அம் > வேகம் என்ற சொல்லுக்கு விரைவுப் பொருள் வழக்கில் உண்டானதே ஆகும். 

அறிக மகிழ்க

மெய்ப்பு பின்னர்

YOUR ATTENTION PLEASE

If you enter compose mode please do not make changes.

You may  share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.

பள்ளத்தாக்கு

 இன்று பள்ளத்தாக்கு என்ற சொல்லைப் பார்ப்போம்.

பள்ளம் என்பதில் எந்தக் கவனத்திற்குரிய திரிபும்  இல்லை. இதன் பொருள் நிலத்தின் உள்ளிறங்கிய பகுதி என்பதே. இது இயல்பான பொருள்.

தாக்கு என்பதில் கருதற்குரிய திரிபு உள்ளது. தாக்கு என்பது தாழ் > தாழ்க்கு > தாக்கு என்று அமைகிறது.

 இதில் வரும் தாக்கு,  வலி வருமாறு மோதுதல் என்று பொருள் படும் சொல் அன்று. மேற்காட்டியவாறு திரிந்த இன்னொரு சொல் ஆகும். இதில் வரும் திரிபும் தனிததன்மை உடை யது என்று கருதலாம்.

அறிக மகிழ்க.

மெய்ப்பு பின்னர்

பகிர்ந்து  பயில்க.

விருத்தி, விருத்தியுரை

விருத்தி என்னும் சொல்லின் பொருளும் தோற்றமும் காண்போம்.

இதன் அடிச்சொல் விர் என்பது. விரிதல் , விரித்தல், விறைத்தல், விருத்தம் என்ற பல பத ங்கட்கு  விர் என்பது அடிச்சொல் ஆகும். வேகம், விரிவு, க ட்டியாகி நீட்சியும் பெறு தல்  எனப் பல நுட்ப வேறுபாடுகளைக் காட்டவல்லது இவ்வடியாகும்.இசையுடன் பாடுகையில் சற்று நீட்டிப் பாடும் வகையினது எனக் குறிக்க இப்பெயர் எழுந்தது என்க. விறைத்தலில் இடவிரிவும் கொள்வதும் கூடும் ஆதலின் விரி என்பதனுடன் இஃது ஒற்றுமைகொள்ளுதலும் உளதாகும்.

விருத்தப் பாக்கள் தமிழிற் பல வுள கோ . ஆதலின் இச்சொல் தமிழா சமஸ்கிருதமா வெனில் thamizhenREe தமிழே  என்று கோடலும் சரியாகும்.

விருத்தி என்பது விரித்தி என்பதன் திரிபு எனலும் ஒக்கும் 

அறிக மகிழ்க.

மெய்ப்பு பின்னர்

பகிர்க தமிழ் பரப்புக.

ப்

வருஷம் வருடம் என்பதற்கு இன்னொரு முடிவு

 வருடம் என்ற சொல்லுக்கு பல்வேறு சொல்லமைப்புக்களைக் கூறலாம், வருஷ என்பதை மழைவருங்காலத்தை முன்னிட்டு எழுந்த சொல் என்றும் கூறுவதுண்டு.

இந்தச் சொல் தமிழிலும் வழங்குவதால் தமிழ் மூலங்களைக் கொண்டு இதற்குச் சொல்லமைப்பைக் கூறுதலும் பொருத்தமே.

தமிழ் எண்ணிக்கையின் படி 12  மாதங்கள் கொண்டது ஒரு வருடம் ஆகும். ஒரு வருடத்தில் வரும் மாதங்களை அவை வரவர அவற்றைச்  மேல்சட்டை போடுவதுபோல் உடுத்துக்கொண்டு மாதம் முடிந்தது கழட்டி விடும் மாதமுறை உள்ளது.

வரு + உடு + அம் >  வருடம் ஆகிறது,   உடுப்பதைக் கழட்டி விடுவதும் இயல்பானதே. மாதங்கள் அப்படியே நகர்ந்து மறைந்து இன்னொரு வருடத்தில் மீண்டும் வரும்..  ஆகவே உடு ( உடுத்தல்) இங்கு நன்கு பயன்பெற்றது என்று கூறலாம்,

அறிக மகிழ்க.

மெய்ப்பு  பின்னர்.

உங்கள் அன்பான கவனத்திற்கு

YOUR ATTENTION PLEASE

If you enter compose mode please do not make changes.

You may share this post with others through any social media. Copyright is waived for this post.. 

நீங்கள் எழுதும் பயன்முறையில் நுழைந்தால், தயவுசெய்து மாற்றங்களைச் செய்ய வேண்டாம். 

இந்த இடுகையை எந்தச் சமூக ஊடகங்கள் மூலமாகவும் மற்றவர்களுடன் பகிர்ந்து கொள்ளலாம். இந்த இடுகைக்கான பதிப்புரிமை விலக்கு அளிக்கப்படுகிறது.